ოზურგეთის მუნიციპალიტეტის სოფელ გურიანთის ცენტრში მრავალწლოვანი ნაძვი მოჭრეს.
როგორც გავარკვიეთ, მრავალწლოვანი წიწვოვანი იქვე არსებული მაღაზიის (ნაგებობა საკუთრებაშია) მფლობელმა, თენგო კაპანაძემ მოჭრა იმ მიზეზით, რომ „წაფერდებული“ იყო.
_ეს ნაძვი დაზიანებული იყო, აქეთ გადმოფერდებული. ამიტომ მოჭრეს. დანარჩენებს არავინ მოჭრის, მაღაზიის პატრონმა იცის, რომ მოჭრა არ შეიძლება _ გვითხრეს იქვე, მაღაზიის სარემონტო სამუშაოებზე დასაქმებულმა მუშებმა, რომლებიც კედლებს ლესავდნენ.
_თუ იცის, რომ მოჭრა არ შეიძლება, რატომ მოჭრა და დახერხა?
_ ლპებოდა, წაფერდებული იყო, _ კვლავ გაიმეორეს მუშებმა.
„გურია ნიუსი“ მუნიციპალიტეტის მერის წარმოადგენელს , გია ფასიეშვილს დაუკავშირდა:
_ არაფერი ვიცი, მივალ ახლავე და გავარკვევ, – გვითხრა მან.
„გურია ნიუსი“ ამჯერად თენგო კაპანაძეს დაიუკავშირდა.
_გამხმარი იყო, ლპობა აქვს დაწყებული. წაფერდებული და ამიტომ მოვჭერი. თორემ აქ ისეთ „კარგ სიტუაციაას“ ვაკეთებ, რაც მეტი ნაძვები და ხეები იქნება, მჭირდება. კარგადც არ დააკვირდი, ეტყობა, თორემ ხმობა აქვს დაწყებული.
_თუ ასე დაზიანებული იყო, მიმართეთ ვინმეს? აღრიცხვა თუ მოხდა. თუ მიადექი და პირდაპირ მოჭერი?
_კი , პირდაპირ მოვჭერი. არავისთვის მითქვამს. მე მიქმნიდა საფრთხეს. რომ არ იფიქროთ, რომ სახერხზე მიმაქვს ან სადმე, თუ ვინმე გაჭირვებულია, გამოუშვით და მივცემ. ზოგს „პოლი“ არ აქვს შინ…
-სანამ მოჭრიდით, ეს თავად უნდა შეგეთანხმებინათ მუნციპალიტეტის მერის წარმომადგენელთან და შეგიძლიათ, ახლაც მიმართოთ. არ უნდა მოგეჭრათ ასე ხელაღებით.
_მანდამაინც უნდა დამცემოდა? _ კვლავ თავი იმართლა კაპანაძემ.
