„გურიას“ ერთ-ერთ ლეგენდას, ბეგი სიხარულიძეს, რომლის სახელსაც უკავშირდება კლუბის თითქმის საუკუნოვან ისტორიაში ყველაზე დიდი ტრიუმფი, ლანჩხუთის საპატიო მოქალაქის წოდება მიენიჭა. სწორედ ბეგი სიხარულიძის მიერ გაწვრთნილმა გუნდმა შეძლო 1986 წელს სსრკ-ს უმაღლეს ლიგაში თამაშის უფლების მოპოვება.
შესაბამისი დიპლომი „გურიას“ ლეგენდას ლანჩხუთის მერმა გადასცა საახალწლო ნობათთან ერთად.
„ლანჩხუთის გურიას“ ვეტერან ფეხბურთელსა და მწვრთნელს, ბეგი სიხარულიძეს მუნიციპალიტეტის წინაშე განსაკუთრებული დამსახურებისთვის საპატიო ლანჩხუთელის წოდება მიენიჭა. მინდა ჯანმრტელობა და დიდხანს სიცოცხლე ვუსურვო ყველასთვის საყვარელ და ღირსეულ პიროვნებას“- აღნიშნა ალექსანდრე სარიშვილმა დიპლომის გადაცემისას.
