ჯანდაცვის სამინისტროს დასაქმების ხელშეწყობის სახელმწიფო სააგენტოს ინფორმაციით, სოციალურად დაუცველთა დასაქმების სახელმწიფო პროგრამის ფარგლებში 1 მარტიდან 17 აპრილის ჩათვლით, დასაქმების კონტრაქტი უკვე 4,601 ადამიანს გაუფორმდა.
Bm.ge-ის მიერ სააგენტოდან გამოთხოვილი ინფორმაციიდან ირკვევა, რომ მოქალაქეები, ძირითადად, საბიუჯეტო ორგანიზაციებში – სკოლებში, სსიპ-ებში, თეატრებში, აიპ-ებში და ა.შ. დასაქმდნენ. პოზიციებს შორისაა – სკოლის დარაჯი, მეეზოვე, ელექტრიკოსი, რეინჯერის დამხმარე, დამლაგებელი და სხვა.
მაგალითად, გურიაში მოძიებულ ვაკანსიებს შორისაა – კერძების ადგილზე მიწოდება. ვაკანსია ლანჩხუთის მუნიციპალიტეტში გამოიძებნა.
აღსანიშნია, რომ რეგიონების მიხედვით, ყველაზე მეტი – 1,160 სოცდაუცველის დასაქმება სწორედ გურიაში მოხდა, ყველაზე ცოტა – 39 სოცდაუცველი თბილისში დასაქმდა.
სოციალური სამუშაო რეგიონების მიხედვით:
● თბილისი – 39 დასაქმებული;
● იმერეთი – 582 დასაქმებული;
● კახეთი – 714 დასაქმებული;
● ქვემო ქართლი- 220 დასაქმებული;
● შიდა ქართლი – 199 დასაქმებული;
● სამეგრელო-ზემო სვანეთი – 156 დასაქმებული;
● აჭარა – 495 დასაქმებული;
● სამცხე-ჯავახეთი – 311 დასაქმებული;
● მცხეთა-მთიანეთი – 110 დასაქმებული;
● გურია – 1160 დასაქმებული;
● რაჭა-ლეჩხუმი და ქვემო სვანეთი – 615 დასაქმებული.
წყარო: bm.ge
