გურიაში კავკასიის მე-3 საზაფხულო სკოლის კურსები ჩატარდა

7 დღიან თეორიული  და  პრაქტიკულ კურსებზე, რომელსაც ოზურგეთის ტექნოპარკი მასპინძლობდა, მონაწილეებმა განიხილეს გარემოზე ზემოქმედების  ყველაზე პრობლემური ასპექტები და მათი გადაჭრის გზები, მათ შორის ბუნებრივი კატასტროფები და მათი პირველადი და გრძელვადიანი შედეგები. ასევე ისეთ უმნიშვნელოვანესი მართვის ინსტრუმენტები როგორიცაა რისკების შეფასება და რუკაზე დატანა, ბუნებრუვი რისკების და მდგრადი ტურიზმის სწორი მართვის მიდგომები, თემის ჩართულობისა და მთაში უსაფრთხო ტურიზმის განვითარებისთვის საფრთხეების მართვის მეთოდობი.

ილიას სახელმწიფო უნივერსიტეტის პროფესორი, ზურა ჯავახიშვილი აზრით  მსგავსი სკოლების არსებობა დღევანდელ  მდგომარეობაში ძალიან მნიშვნელოვანია.

ზურა ჯავახიშვილი: წლევანდელი შეხვედრის თემა არის ბუნებრივი კატასტროფები და ტურიზმი ანუ  როგორ  გავითვალისწინოთ ბუნებრივი კატასტროფები ტურიზმის ინდუსტრიაში.. წლევანდელი სკოლის თემატიკა ზუსტად დაემთხვა შოვის ტრაგედიას. რომლის დროსაც ტურისტული ადგილი დაფარა ღვარცოფმა და სამწუხაროდ ამას მოყვა დიდი მსხვერპლი. 21-ე საუკუნეში ძალიან დიდ ყურადღებას აქცევენ ბუნებრივი კატასტროფების თემას. ძალიან ხშირად ტურისტული ადგილები  თვალწამრტაც, მოშორებულ მთებში ან ხეობებშია. ამავდროულად, ეს ისეთი ადგილებია, რომლთა სილამაზის უკან  ხშირად ხიფათი გველის. აქ ხდება ისეთი მოვლენები, როგორიც არის ღვარცოფული ნაკადები, მეწყრები და ა.შ. დღეს, როდესაც ამ საკითხებს ვსწავლობთ ან ვამუშავებთ, მნიშვნელოვანია გავითვალისწინოთ კლიმატის გლობალური ცვლილება. თუ თითოეულ ტურისტულ ადგილს ყურადღებას მივაქცევთ, თუ დეტალურად შევისწავლით, ეს იქნება პირველი ნაბიჯი მოსახლეობის და ტურისტების დაცვის. ჩვენ არ შეგვიძლია შევაჩეროთ ბუნებრივი საფრთხეები, მაგრამ ჩვენ შეგვიძლია შევამციროთ მათგან გამოწვეული ზარალი, ჩვენ აგრეთვე შეგვიძლია შევამციროთ ან საერთოდ თავიდან ავიცილოთ მსხვერპლი თუ შევისწავლით, სწორად დავგეგმავთ და სწორად მოვიქცევით.

ეკატერინე მახარაძე, გეოგრაფი: ამაჟამად ვარ ორგანიზაცია „მდგრადი კავკასიის“ მიერ ორგანიზებული მესამე საზაფხულო სკოლის მონაწილე. საზაფხულო სკოლა ტარდება ოზურგეთის მუნიციპალიტეტში და ეძღვნება ისეთ მნიშვნელოვან საკითხებს როგორიცაა ბუნებრივი სტიქიური პროცესები, რაც ჩემთვის როგორც გეოგრაფისთვის ძალიან საინტერესოა. 22 აგვისტოს საზაფხულო სკოლის სტუდენტები სასწავლო-საველე პრაქტიკის ფარგლებში ვიმყოფებოდით მდინარე ბჟუჟის ხეობაში, სადაც გავეცანით მიმდინარის კალაპოტში მიმდინარე პროცესებს (მეანდრირება, გვერდითი ეროზია, დახრამვა). ასევე, მოვახდინეთ მეწყრული პროცესების იდენტიფიკაცია. დავეუფლეთ ველზე მუშაობის მეთოდებს და საველე ხელსაწყოების გამოყენების უნარჩვევებს. იმავე დღეს ვესტუმრეთ სოფელ ასკანას, სადაც დისტანციური ზონდირების მეთოდით (უპილოტო საფრენი აპარატების-დრონების გამოყენებით) მოვახდინეთ დასაკვირვებელი ობიექტის — მეწყრული სხეულის ფოტოფიქსაცია. პირადად ჩემთვის ზემოაღნიშნული პრაქტიკული სამუშაოები ძალიან მნიშვნელოვანია, იგი ახალგაზრდა მეცნიერებს გვეხმარება პრაქტიკული და თეორიული ცოდნის გაღმავებაში. საზაფხულო სკოლაში საქართველოს გარდა 7 ქვეყნის წარმომადგენელი მონაწილეობს, რამაც თავის მხრივ გუნდური მუშაობის გამოცდილებაც მოგვცა. სალექციო და საველე პრაქტიკულ სწავლებას უძღვებიან ქართველი და უცხოელი პროფესიონალები წამყვანი უნივერსიტეტებიდან. მსგავსი ტიპის საზაფხულო სკოლაში მოაწილეობა დიდი პრაქტიკული გამოცდილების გარდა სამომავლო სამეცნიეო კავშირების დამყარების კარგი საშუალებაა ახალგაზრდა მკვლევრისთვის.

კავკასიის მე-3 საზაფხულო სკოლის კურსები, 2016 და 2021 წლებში ჩატარებული საზაფხულო სკოლის   კურსების წარმატებული გაგრძელებაა. ინიციატივა, შვეიცარიის განვითარებისა და თანამშრომლობის სააგენტოს (SDC) ფინანსური მხარდაჭერითგანახორციელა კავკასიის მთიანი რეგიონების მდგრადი განვითარების ქსელმა (Sustainable Caucasus).