გურიაში ხე-ტყის უკანონოდ მოპოვების 13 ფაქტი დაფიქსირდა. ამის შესახებ ეროვნული სატყეო სააგენტოს გავრცელებულ ინფორმაციაშია ნათქვამი.
როგორც გავრცელებულ ინფორმაციაშია ნათქვამი, სამართალდამრღვევების მიმართ შედგენილია შესაბამისი დოკუმენტაცია; ავტოსატრანსპორტო საშუალებები დალუქულია და გადაყვანილია სააგენტოს „საქმიან ეზოებში“. საქმის მასალები, შემდგომი რეაგირებისთვის, გადაიგზავნა შესაბამის უწყებებში.
ივნისის განმავლობაში, მთელი ქვეყნის მასშტაბით ხე-ტყის უკანონო მოპოვებისა და ტრანსპორტირების 70 შემთხვევაა დაფიქსირებული.
