გურიაში კორონავირუსის ახალი შემთხვევები დადასტურდა

გასულ 24 საათში, გურიაში  კორონავირუსით ინფიცირების 64 შემთხვევა დადასტურდა. ამის შესახებ უწყებათაშორის საკოორდინაციო საბჭოსთან არსებული ოპერაციული შტაბის უფროსის მოადგილემ, ბერდია სიჭინავამ, მთავრობის ადმინისტრაციაში გამართულ ბრიფინგზე განაცხადა.

სულ საქართველოში ინფიცირების  2 981 ახალი შემთხვევა დადასტურდა.

ამ დროისთვის ქვეყანაში კორონავირუსის 201 368 შემთხვევაა დადასტურებული. გამოჯანმრთელებულთა რაოდენობა 169 282 შეადგენს. გარდაიცვალა 1 953 მოქალაქე.