8 სექტემბრის სტიქიის დროს დაზარალებული ოჯახების საკითხი განიხილეს გურიის მხარეში სახელმწიფო რწმუნებულის ადმინისტრაციაში, რომელსაც სახელმწიფო რწმუნებული გიორგი ურუშაძე, დევნილთა, ეკომიგრანტთა და საარსებო წყაროებით უზრუნველყოფის სააგენტოს დირექტორი ზურაბ უტიაშვილი, გარემოს ეროვნული სააგენტოს გეოლოგიის დეპარტამენტის უფროსი მერაბ გაფრინდაშვილი და ადგილობრივი ხელისუფლების ხელმძღვანელი პირები ესწრებოდნენ.
შეხვედრაზე გეოლოგების მიერ შესრულებული სამუშაოები და მიმდინარე პროცესები განიხილეს, ასევე, იმსჯელეს დაზარალებული მოქალაქეების საცხოვრებელი სახლებით უზრუნველყოფის საკითხზე.
აღსანიშნავია, რომ გარემოს დაცვისა და სოფლის მეურნეობის სამინისტროს გარემოს ეროვნული სააგენტოს გეოლოგები ამ დრომდე მუშაობენ სტიქიის ზონაში, საბოლო მონაცემები უახლოეს მომავალში გახდება ცნობილი.
შეგახსენებთ, რომ პრემიერ-მინისტრის გადაწყვეტილებით სახელმწიფო გურიაში მომხდარი სტიქიის შედეგად დაზარალებულ ოჯახებს დაეხმარება.
