ახლახან ჩოხატაურიდან ოზურგეთში საუცოხო სილამაზის, რქაზე „სამკაულმორგებული“ თხა ჩამოიყანეს, რომელსაც პატრონმა, ირმა სურგულაძემ „ფინტიკოზა“ დაარქვა.
ქალბატონი ირმა ახლახან მშობლიურ ჭანიეთში, დედაქალაქიდან დაბრუნდა საცხოვრებლად, შინამეურნეობასაც მიჰყო ხელი და თან ხუმრობს, რომ გურიის ცენტრიდან „ფინტიკოზაც“ იმიტომ ჩამოიყვანა, რომ მოამრავლოს და პატარა ფერმა შექმნას.
_ახლა , როცა ღორსა და ძროხას ხშირად ავადმყოფობა უჩნდება, თხა უფრო მომგებიანია, ადვილად მრავლდება, სტერილური რძე, საუკეთესო ყველი… იმედია მუშაობის პროცესში ეს ყველაფერი დალაგება, – გვეუბნება ის და ხუმრობაც არ უჭირს.
_ძალიან ჯიუტი კი არის , თხაა, რაც უნდა იყოს. თვდაპირველ პატრონს სწორედ ამიტომ მიუმაგრებია რქაზე „სამკაული“, რომ თვგზააბნეული სირბილის და ხტუნვის დროს, ადვილად მიეკვლია. არც ჩვენ მოვხსენით, ეს იმნაირი ჯიშისაა, რა მოიყვანს ჭკუაზე. ისე, ვკითხულობდი, ახლან თბილისში ძროხების გამოფენა რომ იყო, იქნებ, თხებისაც იქნეს მერე და წავიყვან ჩემ „ფინტიკოზას“, _ იცინის ქალბატონი ირმა. ამასობაში კი „ფინტიკოზა“ თავს ისე აქანებს, რქაზე მიმაგრებული პატარა ზარი (რომელსაც გურულები „რაჟას“ ეძახიან) წკრიალებს.
_ხომ ხედავ, გვეთანხმება, _ იცინის ქალბატონი ირმა.
აქვე გავიხსენებთ ერთ მხიარულ ამბავსაც, რაზეც მაშინ „გურია ნიუსიც “ წერდა _ ხუთიოდე წლის წინ, ასევე ჩოხატაურიდან ალბათ „ფინტიკოზას“ შორეული ნათესავი, აქაურმა გია მენაბდემ ჩამოიყვანა. თხამ კი, კი არც აცია , არც აცხელა და 15 მეტრი სიმაღლის ჭაში ჩახტა. თუმცა, ოჯახის წევრებმა უვნებლად ამოიყვანეს.
_ა, თხაი რო არის, არც ფეხი მოტეხია, არც რქა და კიდევაც კიკინებს, – ამბობდა მაშინ გია მენაბდე.
