„გვაქვს ეჭვი, რომ…“ – რას აცხადებს ადვოკატი მიხეილ სააკაშვილის სამედიცინო დასკვნაზე

კლინიკა „ვივამედის“ და ცენტრ „ემპათიას“ დასკვნა ერთმანეთს ემთხვევა – ეს განცხადება ცოტა ხნის წინ, ყოფილი პრეზიდენტის ადვოკატმა გააკეთა.

ვალერი გელბახიანი ამბობს, რომ ინფორმაცია სააკაშვილს კლინიკის ადმინისტრაციამ მიაწოდა.

„კლინიკა „ვივამედის“ და ცენტრ „ემპათიას“ დასკვნა ერთმანეთს ემთხვევა, მაგრამ ჩვენ გვაინტერესებს ამერიკელი ექპსერტების დიაგნოზი თუ ემთხვევა „ვივამედის“ დასკვნას. მათ თქვეს, რომ ჩვენ ჯერჯერობით არ ვიცით ამერიკელი ექსპერტების დიაგნოზი რა იქნება, მაგრამ იმედი მაქვს, დაემთხვევა მათი და ჩვენი შედეგები. გვაქვს ეჭვი, რომ ის სამკურნალო მედიკამენტოზური საშუალებები, რომელიც აქამდე ეძლეოდა, როგორც პაციენტს, არ იყო შესაბამისი იმ დიაგნოზის, რაც სინამდვილეში ჰქონდა. სააკაშვილმა მითხრა, რომ კლინიკის ხელმძღვანელობა იყო მასთან მისული და სწორედ მათ შეატყობინეს ამის შესახებ. არ გამოვრიცხავ, თავად „ვივამედის“ დირექტორი ნინო ნადირაძე ყოფილიყო“, – ამბობს გელხბახიანი.

წყარო: newposts