ამ წუთებში ოზურგეთის საკრებულოს მორიგი სხდომა ტარდება. საკებულოს თავმჯდომარეომ დავით დარჩიამ ითხოვა, რომ თუ ვინმეს სურდა განცხადების გაკეთება სხდომის დაწყებამდე ეთქვა სათქმელი.
ნაციონალმა დეპუტატმა თათია ნიკოლაშვილმა გააკეთა განცხადება:
_ ის რაზეც ჩვენ მუდამ ვსაუბრობთ ახლა ევროსაბჭომ პირდაპირ რეზოლუცაში ჩაწერა, რომ ბიძინა ივანიშვილი არის რუსი ოლიგარქი. ახლა მინდა ვისაუბრო შემდეგ საკითხზე. ჯორჯიაშვილი ქუჩაზე მიმდინარეობს ინფრასტრუქტურული სამუშაოები, რაც კარგია, მაგრამ რატომ ხდება ეს მუდამ იქ სადაც ხელისუფლების წარმომადგენლები ცხოვრობენ. ამ ქუჩაზე ცხოვრობს გურიის გუბერნატორი გიორგი ურუშაძე, რომლის მამაც საკრებულოს დეპუტატია. იქვე ახლოს სხვა ქუჩები დანგრეულია. ჩემი შეკითხვაა ქუჩა, სადაც არ ცხოვრობს გუბერნატორი, ან სოფელი, რომელშიც არ ცხოვრობს თქვენი წარმომადგენელი, რა მდგომარეობაშია გზები ნახეთ, _ თქვა ნიკოლაშვილმა და ფოტოები აჩვენა და შემდეგ აღნიშნა_ ეს არის კორუფცია. ეს იგივეა, რომ თქვენ ჯერ თქვენთვის იმატებთ და შემდეგ უმატებთ ბაღის მასწავლებლებს.
ამ დროს წამოდგა ქართული ოცნების ფრაქციის თავმჯდომარე მარიკა ჩხიკვიშვილი და ნიკოლაშვილს უპასუხა:
“ვმუშაობთ თითოეულ პრობლემაზე. თქვენს ბრალდებებს თუ რამდენი გზა არ იგება, გვითხარით, თქვენი პარტიის მმართველობის დროს რამდენი კილომეტრი გზა დაიგო და ახლა ნახეთ რამდენი გზა იგება”.
ამ განმარტებაზე მარიკა ჩკივიშვილს ნაციონალმა დავით მჟავანაძემ წასძახა:
_ ნაციონალური მოძრაობის მმართველობის დროს თქვენ და თქვენი ოჯახი იყავით მმართველი პარტიის წევრები. მუშაობდით აგიტატორებად, ამიტომ გეცოდინება. რა თანხაც მიიღეთ მაშინ აგიტატორობისთვის, ახლა დაგვიბრუნეთ.
ავტორი
