ჩრდილოეთ კორეელმა ჰაკერებმა მოიპარეს 400 მილიონი დოლარის ღირებულების ციფრული აქტივები გასულ წელს კრიპტოვალუტის პლატფორმებზე სულ მცირე შვიდი თავდასხმის შედეგად, ნათქვამია ბლოკჩეინის ანალიზის კომპანია Chainalysis-ის განცხადებაში.
გავრცელებული ინფორმაციის მიხედვით, ეს იყო ერთ-ერთი ყველაზე წარმატებული წელი კიბერკრიმინალებისთვის დახურულ აღმოსავლეთ აზიის სახელმწიფოში.
თავდასხმები ძირითადად საინვესტიციო ფირმებსა და ცენტრალიზებულ ბირჟებს ეხებოდა.
კომპანიის განცხადებით, ჰაკერებმა გამოიყენეს მთელი რიგი ტექნიკა, მათ შორის ფიშინგი, კოდის ექსპლოიტები და სხვა პროგრამები ორგანიზაციების საფულეებიდან თანხების ამოსაღებად და შემდეგ გადაიტანეს ისინი ჩრდილოეთ კორეის მიერ კონტროლირებად მისამართებზე.
ჩრდილოეთ კორეა უარყოფს ჰაკერულ თავდასხმებში მონაწილეობას.
