ჰოლივუდის რომელი ვარსკვლავი შეგეფერებათ

ვერძი

ვერძებს სხვა ნიშნებისგან გამოარჩევს ლიდერობისკენ სწრაფვა და სიჯიუტე. ვერძისა და კუროს კავშირი ვნებითა და სინაზით იქნება სავსე და ყველანაირი შანსი აქვთ, მყარი ოჯახი შექმნან. თუმცა, აღსანიშნავია, რომ კუროებს არ უყვართ, როცა მათზე გავლენის მოხდენას ცდილობენ. ამიტომაც ვერძებს მოუწევთ კომპრომისზე წასვლა. კუროს ნიშნის ტიპური წარმომადგენელია – ჯორჯ კლუნი, რომელსაც შეუძლია თავისი რჩეული მზრუნველობითა და სითბოთი აავსოს, თუმცა არ ჩქარობს დაოჯახებას. ჰოლივუდის მსახიობი ალბათ ასე ბერბიჭად დარჩება, თუმცა მსოფლიოს უამრავ სასურველ ქალთან ჰქონია რომანი.

ვერძი კომფორტულად იგრძნობს თავს მერწყულთანაც, რომელსაც შეუძლია დააბალანსოს მისი ფეთქებადი ხასიათი თავისი მშვიდი ბუნებით და გამჭრიახობით. მერწყულს – კრიშტიანუ რონალდუს შეუძლია დაგეგმოს მომავალი ჭკვიანურად და ამასთან, სიყვარულით იცხოვროს.

მიუხედავად იმისა, რომ ვერძი და სასწორი ერთმანეთისგან ძალიან განსხვავებული, ურთიერთსაპირისპირო ნიშნებია, ისინი მაინც მარტივად გამონახავენ საერთო ენას. განსაკუთრებით შთამბეჭდავი და იდეალური იქნება ვერძისა და სასწორის ურთიერთობა საძინებელში. სასწორის ნიშნით დაბადებული ერთ-ერთი გამორჩეული ვარსკვლავია – ემინემი.

კურო

კუროსა და ვერძს შეუძლიათ მყარი ოჯახის შექმნა, თუ ორივე ისწავლის კომპრომისზე წასვლას. მათი რომანი მოსაწყენი და ერთფეროვანი ნამდვილად არ იქნება. მამაკაც-ვერძებს სათუთი დამოკიდებულება აქვთ ბავშვების მიმართ და ხშირად იმსახურებენ იდეალური მამის სახელს. მაგალითად, რობერტ დაუნი-უმცროსი, რომელიც უკვე მეორედ გახდა მამა, მთელ თავისუფალ დროს შვილებთან ერთად ატარებს.

კუროს დიდი შანსი აქვს, იდეალური ურთიერთობა ააწყოს სხვა კუროსთან. კუროს კავშირი კუროსთან ვნებით სავსე, რომანტიკული და უცნაური თავგადასავლებით სავსე იქნება. თუმცა ასეთი წყვილი რთულად გადალახავს მიწიერ პრობლემებს, მაგრამ ისეთ კუროს, როგორიც დევიდ ბექჰემია, შეგიძლიათ მთლიანად და ყველაფერში დაეყრდნოთ. გარდა იმისა, რომ ფეხბურთელი ვიქტორიასთან ერთად 4 შვილს ზრდის, მზრუნველობს სოციალურად დაუცველ ბავშვებს და დიდ ქველმოქმედებას ეწევა.

საოცარია, მაგრამ კუროსა და მორიელსაც შეუძლიათ ჰარმონიული კავშირის დამყარება, მიუხედავად ურთიერთსაწინააღმდეგო თვისებებისა. კუროც და მორიელიც უპირატესობას გრძელვადიან ურთიერთობებს ანიჭებენ. თუმცა, გამონაკლისებიც არსებობს. მორიელი ლეონარდო დი კაპრიო ჰოლივუდის ვარსკვლავური მარტოხელების სიის ლიდერია.

ტყუპი

ტყუპები და მერწყულები ადვილად პოულობენ საერთო ენას და საინტერესო, არაერთფეროვანი ურთიერთობებისკენ ისწრაფვიან. მამაკაცი-მერწყული არასოდეს მოიწყენს ქალ-ტყუპთან ერთად. მერწყულის ნიშნის ტიპური წარმომადგენელია – ბრედლი კუპერი.

ჰარმონიული იქნება ტყუპისა და ლომის კავშირი, თუ ორივე ნიშანი მზად არის, წავიდეს კომპრომისებზე. ქალი-ტყუპი და მამაკაცი-ლომი, მაგალითად, ენდრიუ გარფილდი, იდეალურად შეეწყობიან ერთმანეთს საწოლში და ახალ შთაბეჭდილებებს ეძებენ ინტიმურ ცხოვრებაში.

ქალი-ტყუპი ადვილად გამონახავს საერთო ენას თავისივე ნიშნის წარმომადგენელთან. კავშირი ტყუპი-ტყუპთან შესაძლოა მყარ და დიდხნიან ქორწინებაში არ გადაიზარდოს, მაგრამ ვნებიანი და დასამახსოვრებელი აუცილებლად იქნება. ურთიერთობის სიმტკიცეს ერთადერთმა გარემოებამ – ტყუპის სიყვარულმა ახალი განცდების მიმართ – შეიძლება შეუშალოს ხელი. სამაგალითო მეოჯახემ, ჯონი დეპმა მაინც ვერ შეძლო, დიდხანს ყოფილიყო ერთგული და ცოლისგან ახალ შეყვარებულთან, ამბერ ჰერდთან წავიდა.

კირჩხიბი

კირჩხიბი და ქალწული მყარ ოჯახს შექმნიან, ორივე ხომ ოჯახური სიმყუდროვისკენ და სტაბილურობისკენ მიისწრაფვის. თუმცა ამ კავშირს შეიძლება დააკლდეს ვნების ცეცხლი. ქალწულებს კირჩხიბებში მიიზიდავს ლირიულობა და მელანქოლია. ქალწულები კი სხვა ნიშნებისგან სამყაროს რეალისტური აღქმით გამოირჩევიან, იმპულსურები და საიმედოები არიან. გასაკვირი არ არის, რომ ქალწულის ნიშნის ქვეშ დაბადებულ მსახიობს, ჯეისონ სტეტჰემს ამდენი თაყვანისმცემელი ქალი ჰყავს.

კირჩხიბისა და მშვილდოსნის კავშირს შეგვიძლია უცნაური და კაშკაშა ვუწოდოთ. ურთიერთობის დასაწყისში მშვილდოსანს მოუწევს კირჩხიბის კაპრიზების ატანა, მაგრამ მისი უსაზღვრო მოთმინების უნარი თავის შედეგს გამოიღებს. მშვილდოსნის ნიშნის ტიპური წარმომადგენელია – ბრედ პიტი. სწორედ მისი დაჟინებული მოთხოვნის შედეგია, რომ ბრედი და ანჯელინა ახლა უკვე ქორწილისთვის ემზადებიან.

კირჩხიბი და ლომი – საკმაოდ ურთიერთსაწინააღმდეგო ნიშნებია, მაგრამ მათ შეუძლიათ მყარი და საიმედო კავშირის შექმნა. ქალ-კირჩხიბს შეუძლია ზრუნვით, სიყვარულითა და სითბოთი აავსოს მამაკაცი-ლომი. კირჩხიბსა და ლომს შორის ნაზი გრძნობა დიდხანს გაგრძელდება იმ შემთხვევაში, თუ ეს გრძნობა ორმხრივი იქნება. მამაკაც-ლომს, მაგალითად, ბენ აფლეკს შეუძლია შრომისუნარიანი და აქტიური გახადოს შედარებით დუნე კირჩხიბი.

ლომი

ლომისა და კირჩხიბის კავშირი, ერთი შეხედვით, შეიძლება უპერსპექტივო მოგეჩვენოთ, მაგრამ ორივე პარტნიორი ამ ურთიერთობაში ახალი და სრულიად განსხვავებული მხარით წარმოჩინდება. მშვიდი და მელანქოლიური კირჩხიბი აქტიური ლომის ხელში ინიციატორი და სიცოცხლით სავსე გახდება. კირჩხიბის ცნობილი წარმომადგენელია – სილვესტერ სტალონე.

ქალი-ლომი მარტივად შეიძლება აღმოჩნდეს მომხიბვლელი ტყუპის მკლავებში, განსაკუთრებით ისეთის, როგორიც ჰიუ ლორია. ლომისა და ტყუპის კავშირი კაშკაშკა და დასამახსოვრებელი იქნება, თუმცა ხელისშემშლელ ფაქტორად შეიძლება ჩაითვალოს ტყუპის არასაიმედოობა.

ლომისა და მერწყულის კავშირი ბევრ საკითხში ურთიერთსაპირისპიროა, ისევე, როგორც ამ ორი ნიშნის ხასიათი. მათი რომანი ორმხრივი შეთანხმებაა ვალდებულებების გარეშე ურთიერთობაში, თუნდაც ურთიერთობის პირველ ეტაპზე. ლომი და მერწყული ავანტიურიზმისკენ არიან მიდრეკილნი. ასე რომ, მათი ერთობლივი ცხოვრება მოსაწყენი არ იქნება. თუმცა ქალ-ლომს მოუწევს გამოიჩინოს მოთმინება იქამდე, მანამ გულისა და ხელის შეთავაზებას მიიღებს. მერწყულები აქტიურები არიან ურთიერთობის დასაწყისში, მაგრამ უფრთხიან ვალდებულებებს. მერწყული ეშტონ კატჩერი ჯერ კიდევ არ ჩქარობს მილა კუნისზე დაქორწინებას.

ქალწული

ქალწულისა და კირჩხიბის კავშირი თითქმის ყველა შემთხვევაში ქორწინებამდე მიდის, ორივე პარტნიორი ხომ სერიოზული ურთიერთობისკენ მიილტვის. თუმცა იმის საშიშროება არსებობს, რომ კირჩხიბის ნიშნის ქვეშ დაბადებული კრიტიკულ სიტუაციაში საკუთარ თავში ჩაიკეტება და არ მიიღებს გადამწყვეტ ქმედებას, თუნდაც ისეთ სიტუაციაში, როცა რომანი ლოგიკურ დასასრულს მოითხოვს. კირჩხიბმა ტომ კრუზმაც ვერ მოახერხა გაეწყვიტა კეტი ჰოლმსთან კავშირი. ამიტომაც მსახიობმა ქალმა თავად შეიტანა განქორწინებაზე განცხადება.

ქალწული მარტივად გამონახავს საერთო ენას თევზებთან. ქალწულისა და თევზების კავშირი ორივე პარტნიორისთვის კომფორტული იქნება. პრაქტიკული ქალი-ქალწული ბედნიერი იქნება ფაქიზი და გულისხმიერი მამაკაცი-თევზების გვერდით. ინტუიცია და ემოციურობა ეხმარება თევზებს, გახადოს საყვარელი ქალი ბედნიერი. გასაკვირი არ არის, რომ თევზების ნიშნის ქვეშ დაბადებული დენიელ კრეიგი ბედნიერ ქორწინებაში იმყოფება რეიჩელ ვაიზთან.

ქალწულისა და მორიელის ურთიერთობა კაშკაშა და დაუვიწყარი იქნება. მამაკაც-მორიელებს განსაკუთრებით კარგად გამოსდით ქალი-ქალწულის მოჯადოება თავიანთი ოსტატობით საწოლში. სექსუალური ცხოვრება გახდება სწორი განმსაზღვრელი რომანის შემდგომი გაგრძელების. მორიელის ნიშნის ტიპური წარმომადგენელია – მსახიობი რაიან გოსლინგი.

სასწორი

სასწორი-ვერძი – ურთიერთსაწინააღმდეგო ხასიათითა და ტემპერამენტით წარმოუდგენელი ძალით იზიდავენ ერთმანეთს. სასწორებს შეუძლიათ ტაქტიკურად აიტანონ ვერძების ფეთქებადი ხასიათი და შეეგუონ მის სიჯიუტეს. განსაკუთრებით მხურვალეა მათი სექსუალური ცხოვრება. ქალი-სასწორები იდეალურად ეწყობიან მამაკაც-ვერძებს. მაგალითად მოვიყვანთ რასელ ქროუს, რომელსაც შეგიძლიათ დაეყრდნოთ ნებისმიერ რთულ სიტუაციაში.

სასწორი და ლომი ჰარმონიულ წყვილს შექმნიან, თუმცა ურთიერთობის დასაწყისად ხშირად სექსი ითვლება. ფაქიზი ქალი-სასწორები სიამოვნებით განადიდებენ და გააფეტიშებენ მამაკაც-ლომს. ლომის ნიშნის ქვეშ დაბადებულ დევიდ დუხოვნის უყვარს ყურადღების ცენტრში ყოფნა.

მამაკაც-მშვილდოსანს ქალ-სასწორში მისი მშვიდი ბუნება, ახალი ცოდნის მიღების სურვილი და კომფორტი იზიდავს. მშვილდოსანი და სასწორი მყარ ოჯახს შექმნიან, რომელშიც ქალი-სასწორი სიმყუდროვეზე იქნება პასუხისმგებელი, მამაკაცი-მშვილდოსანი კი, მაგალითად, ტილ შვაგერი, სასწორის ცხოვრებას მხიარულსა და თავგადასავლებით სავსეს გახდის.

მორიელი

მორიელი-მორიელი. ქალი მორიელი კომფორტულად იგრძნობს თავს თავისივე ნიშნის წარმომადგენელთან. ორი მორიელის ვნებიანი ტემპერამენტი განსაკუთრებით სექსუალურ ურთიერთობაში ვლინდება, თუმცა ყოფით ცხოვრებაშიც პოულობენ ისინი საერთო ენას. მეთიუ მაკკონახი – მორიელის ნიშნის ტიპური წარმომადგენელია.

თითქოს სექსუალურ მორიელს არაფერი ესაქმება ფაქიზ და მელანქოლიურ თევზებთან, მაგრამ ეს ასე არ არის. მორიელისა და თევზების კავშირი იდეალური სწორედ სექსუალურ სფეროში ჰარმონიულობით განისაზღვრება. მამაკაც-თევზებს, რომლის წარმომადგენელიც ესპანელი მსახიობი ხავიერ ბარდემია, ცხოვრების თანამგზავრის ხასიათში ყველაზე მცირედი ნიუანსის ამოცნობაც შეუძლია.

მამაკაცი-კირჩხიბი, მაგალითად ტომ ჰენქსი, იდეალური პარტნიორი იქნება ქალი-მორიელისთვის. კომბინაციას მორიელი-კირჩხიბი დიდი შანსი აქვს, კირჩხიბის მოთმინებისა და დიპლომატიურობის შედეგად, წარმატებული ოჯახი შექმნას.

მშვილდოსანი

მშვილდოსან-ტყუპს უყვარს რისკი. ამიტომაც მათ კავშირს იდეალურს ვერ დავარქმევთ. თუმცა ტემპერამენტიანი და ცეცხლოვანი ბუნების წყალობით ორივე ნიშანს შეუძლია აავსოს ერთმანეთის პირადი ცხოვრება თავგადასავლებითა და კაშკაშა მოვლენებით. მამაკაც-ტყუპს, რომლის ტიპური წარმომადგენელი მარკ უოლბერგია, უყვარს ახალი მწვერვალების დაპყრობა.

მშვილდოსანი-სასწორის წყვილი, პრაქტიკულად, იდეალურია. ქალი-სასწორი მამაკაც- მშვილდოსანს აძლევს თავისუფლებას, რომელიც მისთვის ასე მნიშვნელოვანია. გარდა ამისა, არცერთ მათგანს არ უყვარს კონფლიქტი. ამიტომაც მათ შორის, პრაქტიკულად, არასოდეს ვარდება ასეთი სიტუაცია. სასწორის ნიშნის ცნობილი წარმომადგენელია – მსახიობი ბენ უიშოუ.

მშვილდოსანსა და მერწყულს მყარი ურთიერთობის შექმნა შეუძლიათ, თუნდაც მათ შორის მანძილი არსებობდეს, იმდენად ძლიერად გამოხატულია მათ შორის კავშირი. მამაკაც-მერწყულს, მაგალითად, ჯოზეფ გორდონ-ლევიტს, უყვარდება სერიოზულად და დიდი ხნით, ხოლო ქალ-მშვილდოსანს შეუძლია მთლიანად დაიხარჯოს საყვარელი ადამიანისთვის.

თხის რქა

ქალი-თხის რქა ადვილად გამონახავს საერთო ენას თავისივე ნიშნის წარმომადგენელთან. მთავარი ნიშანი თხის რქის თხის რქასთან წარმატებული ურთიერთობისა პარტნიორის ერთგულებაა და სტაბილურობისკენ სწრაფვა. თუმცა, ხანდახან მამაკაც-თხის რქებს უყვართ კაზანოვას როლის მორგება. მაგალითად მოვიყვანოთ თუნდაც ჯუდ ლოუ, რომელსაც მექალთანე კაცის იარლიყი მიაკრეს. მაგრამ სინამდვილეში თხის რქები იშვიათად ირჩევენ დროებით კავშირებს და სერიოზული ურთიერთობისკენ მიისწრაფვიან.

თხის რქებისა და თევზების კავშირის პერსპექტივა საკმაოდ ოპტიმისტურია. საბედნიეროდ, მამაკაცი-თევზები, მაგალითად, ჯასტინ ბიბერი, ადვილად პატიობენ ქალ-თხის რქებს ფულთან ქარაფშუტულ დამოკიდებულებას და საყვარელი საქმით გატაცებას.

თხის რქისა და კუროს კავშირი ამ ნიშანთან ურთიერთსაპირისპირო ხასიათებზეა დაფუძნებული. მამაკაცი-კურო, მაგალითად, ალ პაჩინო, ქალ-თხის რქას ემოციურად დამუხტავს და ვნებას გააღვიძებს მასში. თუმცა, კუროს მოუწევს შეეგუოს თხის რქის მიწიერ სურვილებსა და კომფორტის სიყვარულს.

მერწყული

მერწყული და ლომი – არაერთმნიშვნელოვანი კავშირი, თუმცა ორმხრივი ძლიერი გრძნობისა და სურვილის შემთხვევაში, ასეთ წყვილს ჰარმონიული ურთიერთობის შექმნის პერსპექტივა აქვთ. მამაკაცი-ლომი ანტონიო ბანდერასი ბევრ ქალს ხიბლავს, მაგრამ მყარ ურთიერთობას ამჯობინებს. ქალ-მერწყულსაც უყვარს ყურადღების ცენტრში ყოფნა. ასე რომ, მათ შორის ყოველთვის იარსებებს შეჯიბრების სული.

ქალი-მერწყული და მამაკაცი-მშვილდოსანი ერთად არ მოიწყენენ. მამაკაც-მშვილდოსანს არ უყვარს, როცა თავისუფლებას უზღუდავენ, მაგრამ მზად არის, თავისი სურვილით უერთგულოს საყვარელ ადამიანს. ასე მაგალითად, მშვილდოსანი ვენსან კასელი უკვე დიდი ხანია, ბედნიერია მონიკა ბელუჩისთან ერთად. მერწყულისა და მშვილდოსნის კავშირი სასიამოვნო სიურპრიზებით იქნება სავსე. მერწყული და სასწორი ძალიან ახლოს არიან შინაგანად ერთმანეთთან. მამაკაცი-სასწორები, მაგალითად, სტინგი, ადვილად წავლენ კომპრომისზე და მზად არიან, დაუთმონ პირველობა პატივმოყვარე ქალ-მერწყულებს. ამ წყვილს შორის განსაკუთრებული ჰარმონიაა საწოლში.

თევზები

რა თქმა უნდა, თევზი თევზთან პოულობს ყველაზე მარტივად საერთო ენას. ფაქიზი ქალი-თევზები ისეთივე ემოციურ მოპყრობას საჭიროებენ, როგორც თავად არიან. მიუხედავად ამისა, თევზებისა და თევზების კავშირი გარშემომყოფთა მხარდაჭერას საჭიროებენ, ამ ნიშნის წარმომადგენლების უმეტესობა ხომ ღრუბლებში დაფრინავს. თუმცა მამაკაცი-თევზები, როგორიც არის ბრიუს უილისი, მარტივად აღწევენ წარმატებას კარიერაში.

თევზები-მშვილდოსნის კავშირი ყველაზე შთამბეჭდავი ურთიერთობის დასაწყისში იქნება, მაშინ, როცა წყვილი ჯერ კიდევ არ შეჯახებია ყოფით პრობლემებს. ქალი-თევზები მხარდაჭერას საიმედო მამაკაცი-მშვილდოსნისგან ელის, ისეთებისგან, როგორიც არის იენ სომერჰოლდერი.

თევზებისა და კუროს რომანს ვნებიანს ვერ დავარქმევდით. სამაგიეროდ, მათი კავშირი ერთმანეთის მიმართ სითბოთი და ყურადღებით გამოირჩევა. ფეთქებად და ემოციურ მამაკაც-კუროებს შეუძლიათ დიდსულოვნების გამოჩენა. კურო რობერტ პატისონმა საყვარელ ქალს, კრისტენ სტიუარტს ღალატიც კი აპატია.