უკრაინაში შეჭრის დროს რუსეთის მიერ ოკუპირებული უზარმაზარი ზაპოროჟიეს ატომური ელექტროსადგური “წყობიდან სრულად გამოვიდა” – ამის შესახებ გაეროს ატომური ენერგიის საერთაშორისო სააგენტოს დირექტორმა, რაფაელ გროსიმ განაცხადა.
რაფაელ გროსის თქმით, ზაპოროჟიეს ელექტროსადგურს აუცილებლად სჭირდება დათვალიერება, შემოწმება და შეკეთება.
“თვალწინ გვაქვს ისეთი ქმედებების სია, რომელიც არასდროს, არცერთ ელექტროსადგურში არ უნდა ხდებოდეს”. – თქვა გროსმა.
ამასთან, ატომური ენერგიის საერთაშორისო სააგენტოს დირექტორმა ხაზგასმით აღნიშნა, რომ ევროპის მასშტაბით ყველაზე დიდი ელექტროსადგური საბრძოლო ველთან საფრთხისშემცველად ახლოს მდებარეობს.
აღსანიშნავია, რომ რუსმა სამხედროებმა ზაპოროჟიეს ელექტროსადგურის ოკუპირება მარტში მოახდინეს, სადგურში ამ დრომდე უკრაინელი რეგულარული თანამშრომლები მუშაობენ. თუმცა, რუსული ჯარის ადგილზე ყოფნის გამო ატომური ელექტროსადგურის უსაფრთხოდ მუშაობა შეუძლებელია.
“სიტუაცია ძალიან არამდგრადია. დარღვეულია ატომური უსაფრთხოების ყველა ნორმა, არაერთი გზით და არ შეიძლება ამის გაგრძელება დავუშვათ”. – თქვა გროსიმ.
IAEA-ს გენერალურმა დირექტორმა თქვა, რომ ის ცდილობს შეადგინოს მისია რაც შეიძლება მალე, რათა ეწვიოს ქარხანას, მაგრამ ეს მოითხოვს როგორც უკრაინული, ასევე რუსული მხარის თანხმობას, ასევე გაეროს ავტორიზაციას, ომის ზონაში ვიზიტის რისკების გათვალისწინებით.
ამ კვირაში გროსიმ თქვა, რომ მას და მის გუნდს დაცვა სჭირდებოდათ ზაპორიჟჟიაში მისასვლელად – რაც გულისხმობდა როგორც რუსეთის, ასევე უკრაინის თანამშრომლობას.
„მე ვეხვეწები ორივე მხარეს, დაუშვან ეს მისია“, – თქვა მან.
გროსიმის თქმით, IAEA-ს კონტაქტები ქარხნის თანამშრომლებთან იყო შეზღუდული, ასევე აღჭურვილობისა და სათადარიგო ნაწილების მიწოდების ჯაჭვი შეფერხდა
”მიუხედავად იმისა, რომ ეს ომი მძვინვარებს, უმოქმედობა არაკეთილსინდისიერებაა.
ზაპორიჟჟიას ატომურ ელექტროსადგურზე უბედური შემთხვევა, რომ მოხდეს, ჩვენ არ გვექნება დამნაშავე სტიქიური უბედურება – პასუხი მხოლოდ საკუთარ თავზე გვექნება. ჩვენ ყველას მხარდაჭერა გვჭირდება,” – თქვა გროსიმ.
ავტორი
