ქალბატონმა ინდიანა ჭანიშვილმა, როგორც ოზურგეთის მეორე საჯარო სკოლის ქართული ენის პედაგოგი მაია ღლონტი ამბობს, „ინდიგო გოგომ“ , ოზურგეთის მეორე სკოლაში, საქმეთა მმართველად ნახევარ საუკუნეზე მეტ ხანს იმუშავა და ის მუდამ იყო, ზედმიწევნით მოტივირებული, მოწესრიგებული, ყველა დოკუმენტაციის უზადო მცოდნე, სანდო, საიმედო თანამშრომელი და ადამიანი. ამიტომაც მოილოვა უამრავი თაობის უსაზღვრო სიყვარული.
დიდი ხანი არ არის, რაც ის სკოლიდან წავიდა, თუმცა სკოლის დირექტორი, მაწავლებლები არასდროს ივიწყებენ, მით უფრო, დაბადების დღეზე.
„ჩვენი სკოლის კოლორიტი, ყურადღებიანი,თბილი, კეთილი, საღად მოაზროვნე, ცოცხალი ენციკლოპედია, ინდიანა ჭანიშვილი დღეს 83 წლის გახდა. ვულოცავთ, დიდხანს სიცოცხლეს ვუსურვებთ, _ ამბოს სკოლის დირექტორი ფატი სიორიძე.
_ ოო, ჩვენი ინდიგო-გოგო, ჩვენი სკოლის აკადემიური სახე, კრისტალური ადამიანი, საუცხოო კადრი… მან ხომ მუდამ ყველაფერი იცოდა და იცის დღესაც. დოკუმენტში ჩახედვაც არ გჭირედებოდა, ზეპირად გეტყოდა ყველაფერს. საოცარი ადამიანია. არავის დატოვებდა უყურადრებოდ. ერთი ხუმრობაც იყო გავრცელებული, თუ ვინმე გარდაიცვლებოდა: „ჯერ არ დაკრძალოთ, ინდიანა მოვა აუცილებლად“… მინდა, დიდხანს ჯანმრთელად სიცოხლე ვუსურვოთ ამ საოცარ ადამიანს, სკოლის ცოცხალ მემატიანეს, _ გვითხრა მაია ღლონტმა.
„ „გურია ნიუსი“ მოიტანეთ? მე მომეცით, დღესვე გადავცემ დირექტორს და მასწავლებლებს“ _ ასე გვხვდებოდა ინდიანა ჭანიშვილი მრავალი წლის მანძილზე მეორე საჯრო სკოლის ფოიეში თუ კანცელარიაში.
დიდხანს სიცოცხლეს ვუსურვებთ ქალბატონ ინდიანას! ის ნამდვილად არის პერსონა, რომელიც ჩვენი რუბრიკის: „ვინ აცოცხლებს საქართველოს“ სამაგალითო სახეს წარმოადგენს! მალე ვრცლად გიამბობთ მის შესახებ!
