“არ ვფიქრობ, რომ ინდივიდუალური შემთხვევა იქნება ჩვენი ევროპული მომავლის განმსაზღვრელი”, – ამის შესახებ საქართველოს პრეზიდენტმა, სალომე ზურაბიშვილმა Bloomberg-თან ინტერვიუში, მიხეილ სააკაშვილის შეწყალებასთან დაკავშირებით დასმული კითხვის საპასუხოდ განაცხადა.
როგორც Bloomberg წერს, “სალომე ზურაბიშვილს, რომელსაც აქვს უფლებამოსილება, შეიწყალოს მიხეილ სააკაშვილი, Bloomberg-თან ინტერვიუში არ საუბრობს თავის გეგმებზე”, თუმცა ამბობს, რომ არ ფიქრობს, რომ ცალკეული შემთხვევა საქართველოს ევროპულ მომავალს განსაზღვრავს.
გამოცემის მიერ გამოქვეყნებულ სტატიაში, ასევე საუბარია ევროპული საბჭოს ივნისში მიღებულ გადაწყვეტილებას, რომლის თანახმადაც, უკრაინასა და მოლდოვას კანდიდატის სტატუსი მიენიჭათ, საქართველო კი – არა.
Bloomberg-თან ინტერვიუში ზურაბიშვილმა თქვა, რომ “ევროპის მიერ სტრატეგიული გადაწყვეტილების მისაღებად დრო დადგა”. სალომე ზურაბიშვილმა ინტერვიუში აღნიშნა, რომ დადგა დრო ევროპამ “სტრატეგიული გადაწყვეტილებები მიიღოს”. მისივე სიტყვებით, საქართველოსთვის კანდიდატის სტატუსის არმინიჭებამ, შესაძლოა, რუსეთი გაათამამოს. მისივე თქმით, რუსეთს გამბედაობას შემატებს, საქართველო მისი ამბიციებისთვის „რუხ ზონად“ მოიაზროს.
“თქვენ უნდა მოგვცეთ კანდიდატის სტატუსი. ჩვენ არ ვართ სრულყოფილი, ვიცი, რომ არსებობს საკითხები, რომლებსაც არ ვასრულებთ, მაგრამ ვფიქრობ, ყველაფრის მიუხედავად, ჩვენ წინსვლა გვჭირდება,” – თქვა სალომე ზურაბიშვილმა.
ავტორი
