სახალხო დამცველი ეხმიანება ქუთაისის N 2 და ბათუმის N 3 პენიტენციურ დაწესებულებებში ე.წ. ბუნტის შესახებ გავრცელებულ ინფორმაციას.
“აღნიშნულ დაწესებულებებში იმყოფებოდა სახალხო დამცველი წარმომადგენელი და ამ დროისთვის რამე არეულობის შესახებ ინფორმაცია არ დასტურდება.
სახალხო დამცველის აპარატი აგრძელებს სიტუაციაზე დაკვირვებას და მზად არის, მომართვის შემთხვევაში გადაამოწმოს ყველა ინდივიდუალური შემთხვევა”,_ აცხადებს სახალხო დამცველი.
ცნობისთვის, დღეს, სოციალურ ქსელში გავრცელდა ინფორმაცია, რომლის მიხედვითაც, ქუთაისის ნომერ მე-2 სასჯელაღსრულების დაწესებულებაში 50-მდე პატიმარმა თვითდაზიანება მიიყენა. ისინი დროულ სამედიცინო დახმარებას, ადმინისტრაციის მხრიდან მეტ ყურადღებას და ამნისტიას მოითხოვდნენ.
გავრცელებულ ინფორმაციას უარყოფს სპეციალური პენიტენციური სამსახურიც. როგორც სამსახურში განაცხადეს, დაწესებულებაში განსაკუთრებულ ექსცესს ადგილი არ ჰქონია.
