ირანი ამერიკის შეერთებულ შტატებს ტერორისტულ დაჯგუფება „ისლამურ სახელმწიფოს“მხარდაჭერაში და ალიანსის მათთან ერთად ეფექტურ ფორმირებაში ადანაშაულებს. აღნიშნულ ინფორმაციას RT ავრცელებს.
როგორც ირანის შეიარაღებული ძალების გენერალ მაიორი, მუსტაფა იზადი აცხადებს, „ისლამურ სახელმწიფოსა“ და ამერიკის შეერთებული შტატების კავშირის დამადასტურებელი დოკუმენტები არსებობს.
„ჩვენ გვაქვს დოკუმენტები და ინფორმაცია, რომელიც ასახავს ამერიკის შეერთებული შტატების იმპერიალიზმის მხარდაჭერას ამ ამაზრზენი დაჯგუფების მიმართ, რომელმაც გაანადგურა ისლამური ქვეყნები და შექმნა მასიური სასაკლაოების და შეტაკებების ტალღა“,_აცხადებს იზადი.
მისივე თქმით, ამერიკის მხარდაჭერა „ისლამური სახელმწიფოს“ მიმართ რეგიონში მარიონეტული ომის ინსტრუმენტია, რომელიც ისლამური რესპუბლიკის წინააღმდეგ ამპარტავანი ძალაუფლების ახალი ტრიუკია.
როგორც ცნობილია,ამერიკის შეერთებული შტატები „ისლამურ სახელმწიფოსთან“ თანამშრომლობაში ირანის პარლამენტის სპიკერმა, ალი ლარიჯანიმ ტერაქტის შედეგად დაღუპულთა დაკრძალვაზე სიტყვით გამოსვლისას დაადანაშაულა.
„ტერორისტულმა თავდასხმამ ცხადყო, რომ თავდამსხმელებმა ჯერ კიდევ ვერ მიაღწიეს მიზანს და მიზნად ისახავენ პარლამენტის და იმამ ხომეინის მავზოლეუმის განადგურებას. საბოლოოდ კი უდანაშაულო ადამაინების და პარლამენტის თანამშრომლებთან საბრძოლველად მოსვლა გამოუვიდათ“,_განაცხადა მან.
როგორც ცნობილია, დაკრძალვის ცერემონიაზე ათასობით ადამიანი შეიკრიბა, რომლებიც სკანირებდნენ „სიკვდილი საუდის არაბეთს“, „სიკვდილი ამერიკას“.
მოგვიანებით კი ირანის უმაღლესმა ლიდერმა, იატოლია ალი ხამენეიმ განაცხადა, რომ თავდასხმა მხოლოდ სიძულვილს გაზრდის ამერიკის შეერთებული შტატების და მისი დამქაშების, მათ შორის, საუდის არაბეთის მიმართ.
როგორც ცნობილია, „ისლამურმა სახელმწიფომ“ თეირანში გასულ კვირას მომხდარ 2 აფეთქებაზე აიღო პასუხისმგებლობა, რომლის შედეგადაც 17 ადამიანი დაიღუპა.
