ისლამური რევოლუციის გვარდიის კორპუსის პოლკოვნიკი და ბასიჯის ორგანიზაციის მეთაური ჯავად კიჰი გუშინ, 25 ოქტომბერს, დღის მეორე ნახევარში მოკლეს.
მკვლელობა სამხრეთ–აღმოსავლეთ ირანის ბელუჯისტანის რეგიონის ქალაქ ზაჰედანში მოხდა. ამის შესახებ ირანული საინფორმაციო სააგენტო Tasnim იუწყება.
გამოცემის ინფორმაციით, მასთან ერთად მოკლეს ისლამური რევოლუციური გვარდიის პოლკოვნიკი მოლაშახი.
როგორც გამოცემა აღნიშნავს, სწორედ ეს მეთაურები იყვნენ პასუხისმგებლები რუსეთისთვის უკრაინის წინააღმდეგ ომისთვის ირანული კამიკაძე–დრონების ,, შაჰედ-136“ – ს მიწოდებაზე. ამის ამსახველი ფოტოები სოციალურ ქსელში ვრცელდება.
მათ, კრემლთან თანამშრომლობის გარდა, ირანში პროტესტების სასტიკ ჩახშობაშიც ადანაშაულებდნენ.
რამდენიმე დღის წინ გავრცელდა ინფორმაცია, რომ ისრაელმა სირიაში ის ქარხანა დაბომბა, სადაც ირანულ დრონებს აწყობდნენ.
შეგახსენებთ, რომ ირანის საგარეო საქმეთა მინისტრმა ჰუსეინ ამირ–აბდოლაჰიანმა განაცხადა, რომ მისი ქვეყანა მზადაა გაგზავნოს სამხედრო ექსპერტები, რომლებიც გამოიძიებენ ბრალდებებს ირანის მიერ რუსეთს კამიკაძეების უპილოტო თვითმფრინავების მიწოდების შესახებ.
ავტორი
