ერთი თვის წინ ცნობილი გახდა რომ საქართველოს ნაკრებისა და „ნაპოლის“ თავდამსხმელი ხვიჩა კვარაცხელიათი ინგლისური „მანჩესტერ სიტი“ სერიოზულად გახლდათ დაინტერესებული.
გუშინ, გამოცემა „Daily Mail“ ამ თემას კიდევ ერთხელ დაუბრუნდა. აღმოჩნდა, რომ „მანჩესტერ სიტი“ აქტიურად აკვირდება „მილანში“ რაფაელ ლეაუს გარშემო მიმდინარე მოვლენებს და „ნაპოლის“ ქართველ ფეხბურთელს ხვიჩა კვარაცხელიას.
ბრიტანელი ჟურნალისტების მტკიცებით, იმ შემთხვევაში თუ პეპ გვარდიოლას გუნდი ლეაუს ან კვარაცხელიას გადაბირებას მოახერხებს, ფილ ფოდენს ცენტრში გადაწევა მოუწევს, ხოლო ილქაი გუნდოგანი და ბერნარდო სილვა კლუბს დატოვებენ.
გუშინ, “იუვენტუსის“ თავდამსხმელმა ფედერიკო კიეზამ გამოცემას „La Gazzetta dello Sport“ ესაუბრა და ინტერვიუს ერთ-ერთი თემა ხვიჩა კვარაცხელიასა და ვიქტორ ოსიმენის დუეტი გახლდათ.
„ოსი-კვარას წყვილი „სერია A“-ში ერთ-ერთი უძლიერესია. ისინი შესანიშნავ ფორმაში არიან და სეზონის პირველი თამაშიდან მოყოლებული ერთად თამაშის ჰარმონია იპოვეს.
მე და ვლაჰოვიჩს თავდაპირველად, პრობლემები გვქონდა, თუმცა ჩვენს შორის ყოველთვის იგრძონობდა კავშირი, რომელსაც იმედია „იუვენტუსში“ კვლავ აღვადგენთ. ვწუხვარ, რომ „მონცას“ წინააღმდეგ არ ვიყავი, განსაკუთრებით მას შემდეგ, რაც ვლაჰოვიჩი და პოგბა დაბრუნდნენ, თუმცა იტალიის თასზე „ლაციოს“ წინააღმდეგ ვითამაშებ“. – განაცხადა ფედერიკო კიეზამ.
საქართველოს ნაკრების თავდამსხმელი ბუდუ ზივზივაძე კი გერმანული „კარლსრუეს“ ფეხბურთელი გახდა. დაანონსებული ტრანსფერი გერმანული კლუბის ვებგვერდმა ოფიციალურად დაადასტურა.
ზივზივაძემ ხელშეკრულება 2025 წლის ზაფხულამდე გააფორმა და 19-ნომრიანი მაისურით ითამაშებს.
ბუდუ ზივზივაძეს კარიერის განმავლობაში თბილისის „დინამოში“, ქუთაისის „ტორპედოში“, „სამტრედიაში“, დანიურ „ესბიერგში“, უნგრულ „მეზოკოვეშდში“, „უიპეშტსა“ და „ფეჰერვარში“ აქვს ნათამაშები. მიმდინარე სეზონში მან 17 მატჩში 7 გოლი გაიტანა, თუმცა შემდეგ კლუბის ხელმძღვანელობასთან უთანხმოების გამო მთავარ გუნდს ჩამოაშორეს.
„კარლსრუე“ გერმანიის მეორე ბუნდესლიგაში 18 ტურის შემდეგ 18 ქულით მე-15 ადგილზეა და ადგილის შესანარჩუნებლად იბრძვის. გუნდმა სეზონი კარგად დაიწყო, მაგრამ ბოლო დროს მოუგებელი სერია აქვს, რის გამოც გასავარდნ ზონასთან ახლოსაა. ზივზივაძე გუნდთან ერთად ვარჯიშს დღეს დაიწყებს, ხოლო უახლოეს შეხვედრა „კარლსრუეს“ 5 თებერვალს, სტუმრად „მაგდებურგთან“ აქვს.
გუშინ, ესპანურმა გამოცემამ „Sport“ საინტერესო ინფორმაცია გაავრცელა – ლუის ენრიკეს თუ შესთავაზებენ, რომ ბრაზილიის ნაკრები ჩაიბაროს, ის ამ შეთავაზებას დასთანმხდება.
მსოფლიო პირველობის დასრულების შემდეგ, როდესაც ბრაზილიის ფეხბურთის ფედერაციამ მთავარი მწვრთნელის პოზიციისთვის კანდიდატურა დაასახელა, მათ სიაში პირველ ადგილს პეპ გვარდიოლა, მეორეს კარლო ანჩელოტი, მესამეს კი ლუის ენრიკე იკავებდა.
გვარდიოლას კანდიდატურა თავიდანვე გამოირიცხა, რადგან მან „მანჩესტერ სიტისთან“ ხელშეკრულება გაახანგრძლივა. ანჩელოტიმ პრესკონფერენციაზე განაცხადა, რომ მადრიდის „რეალს“ არ დატოვებდა. ამის გამო ლუის ენრიკეს კანდიდატურა უფრო რეალური ხდება.
ბრაზილიის ფეხბურთის ფედერაციას სურს, რომ ახალი მთავარი მწვრთნელი თებერვლის ბოლოს გამოაცხადოს, რათა მარტის თამაშებისთვის გუნდს ხელმძღვანელი ჰყავდეს. ამ სიტუაციაში უპირატესობა სწორედ ესპანელ ფეხბურთისსპეციალისტს ენიჭება.
ბელგიის ნაკრებს კი დომენიკო ტედესკო გაწვრთნის. 37 წლის გერმანელ სპეციალისტსა და ბელგიის ფეხბურთის ფედერაციას შორის კონტრაქტი ძალაში 2026 წლის ზაფხულამდე იქნება.
დომენიკო ტედესკო ბელგიის ნაკრების ისტორიაში ყველაზე ახალგაზრდა მწვრთნელი იქნება. მან სამწვრთნელო კარიერა „აუეში“ დაიწყო, შემდეგ „შალკესა“ და მოსკოვის „სპარტაკში“ იმუშავა, გასული სეზონი კი „ლაიფციგში“ გაატარა, რომელსაც გერმანიის თასი მოაგებინა.
ავტორი
