ამერიკული ომის შესწავლის ინსტიტუტი (ISW) თავის რეგულარულ რეზიუმეში აანალიზებს რუსეთის სამხედრო ხელმძღვანელობის გადაწყვეტილებას ჯარების გაყვანის შესახებ მდინარე დნეპრის მარჯვენა სანაპიროდან, მათ შორის ხერსონიდან.
ორგანიზაციის ექსპერტების თქმით, რუსეთის არმიამ უკვე დაიწყო ბრძოლებით რეგიონის დატოვება და „ფორმაციების საბრძოლო ეფექტურობის შესანარჩუნებლად მარცხენა სანაპიროზე წინასწარ მომზადებულ პოზიციებზე გადასვლა“.
”ბრძოლა ხერსონისთვის არ დასრულებულა, მაგრამ რუსული ძალები შევიდნენ მის ახალ ფაზაში. ისინი უპირატესობას ანიჭებენ თავიანთი ჯარების უკან დახევას მდინარის გასწვრივ, საბრძოლო შესაძლებლობის შენარჩუნებით და უკრაინის ჯარების შეფერხებით, მაგრამ არ შეეცდებიან მთლიანად შეაჩერონ უკრაინის შეტევა,” – წერია ISW-ს ანგარიშში.
ამავდროულად, ISW თვლის, რომ უკრაინამ, ალბათ მოახერხა ხერსონში თავისი კამპანიის მთავარი მიზნის შესრულება. უკრაინამ რუსული ჯარების იზოლირებით, აიძულა ისინი, ფართომასშტაბიანი სახმელეთო შეტევის გარეშე, დამოუკიდებლად, დაეხიათ დნეპრის მეორე მხარეს.
ომის შესწავლის ინსტიტუტი წერს, რომ ბოლო რამდენიმე თვის განმავლობაში, უკრაინის შეიარაღებულმა ძალებმა მიზანმიმართულად და ეფექტურად განახორციელეს დარტყმები რუსული ჯარების კონცენტრაციის უბნებზე, მათ სამხედრო ობიექტებზე, საწყობებსა და ლოჯისტიკურ ცენტრებზე. მათ შორის უკრაინულმა სამხედროებმა გააუქმეს ხიდები და განახორციელეს წარმატებული ადგილობრივი თავდასხმები, მაგალითად, დავიდოვ ბროდის დასახლების მიდამოში, რომლის შედეგადაც, რუსული დაჯგუფების მეთაურმა, სერგეი სუროვიკინმა, ხერსონიდან უკან დახევის შესახებ გამოაცხადა და ღიად აღიარა, რომ უკრაინის დარტყმების გამო, ხერსონის რეგიონში რუსული არმიის მიწოდება შეუძლებელი გახდა.
მოხსენების ავტორების თქმით, უკან დახევა “ძნელი შესაძლებელია, რომ ეს იყოს ხაფანგი, რომელიც შექმნილია უკრაინელი ჯარების მოსატყუებლად და ხერსონის მახლობლად მსხვერპლით სავსე ბრძოლებში” (ზოგიერთი დასავლური და უკრაინული წყარო საუბრობდა ამ შესაძლებლობის შესახებ).
ISW-მ ადრე გაამახვილა ყურადღება იმ მრავალ მტკიცებულებაზე, რომლის მიხედვთაც რუსული ჯარები მართლაც სისტემატიურად ტოვებენ დნეპრის დასავლეთ სანაპიროს და ასეთი ქმედებების მიზანი არ შეიძლება ჩაითვალოს უკრაინელი სამხედროების მოტყუებად და ხაფანგად.
”რუსი მეთაურები, რა თქმა უნდა, შეეცდებიან შეანელონ უკრაინის შეტევა მოწესრიგებული უკანდახევის მხარდასაჭერად და შესაძლოა, დატოვონ გარკვეული ძალები ხერსონში უკრაინის შეიარაღებული ძალების შეფერხების მიზნით. მაგრამ ეს ბრძოლები შექმნილია იმისთვის, რომ რაც შეიძლება მეტმა რუსულმა ფორმირებამ უკან დაიხიოს, სანამ საბრძოლო შესაძლებლობები შენარჩუნდება “, – წერენ ISW-ს ექსპერტები.
ავტორი
