იტალიის პალატის დეპუტატი ვიტორიო სგარბი აცხადებს, რომ იტალიის ხელისუფლება კორონავირუსით გარდაცვლილთა ყალბ სტატისტიკას აქვეყნებს, ამის მიზანი კი იტალიის მოსახლეობის ტერორში ყოლა და დიქტატურის დამყარებაა.
სგარბი კოლეგებს მოუწოდებს, სიმართლის სათქმელად გამბედაობა მოიკრიბონ, გარდაცვილთა ზუსტი მონაცემი დაასახელონ.
„რას აკეთებთ, დაფიქრდით. გერმანიაში სკოლებში გააგრძელებენ სწავლას და ჩვენ რას ვაკეთებთ? გერმანიამ დაამტკიცა, რომ ის ძლიერია საკუთარ გადაწყვეტილებებში. ჩვენთან კი აღმოჩნდა, რომ უბრალოდ დამცირებულები ვართ. მე პირველი გამოვდიოდი პარლამენტის დახურვის ინიციატივით, მაგრამ დღეს მე აქ ვარ და ყველა ნიღბებშია, ისე როგორც მასკარადზე და თუ ნიღბის გარეშე ხართ, ყველა თქვენზე ხელით უთითებს.
25 ათასი ადამიანი არ დაღუპულა იტალიაში კორონავირუსით, ეს არასწორია. მოგვაწოდეთ ნამდვილი ციფრები. ეს არის ფსიქოლოგიური ტერორი ადამიანებზე, ეს უბრალოდ სასაცილოა“, – განაცხადა სგარბიმ.
ამ დრომდე იტალიაში საგანგებო მდგომარეობის ბევრი შეზღუდვა მოქმედებს. ტურისტული სეზონი კი 2020 წლის ზაფხულში უცხოელი ტურისტებისთვის, სავარაუდოდ, არც გაიხსნება.
