გუშინ, ახლო წარსულში „ნაპოლის“ ყოფილმა ფეხბურთელმა დარიო მარკოლინიმ „Radio Marte“–ს ეთერში იმ ვარსკვლავების შესახებ ისაუბრა, რომლებიც მსოფლიო ჩემპიონატზე ვერ ასპარეზობენ.
სიაში ხვიჩა კვარაცხელიაც მოხვდა, რომლის შესახებაც მარკოლინიმ შემდეგი განაცხადა:
„სამწუხაროა, რომ კატარში კვარაცხელიას თამაშით ვერ აღვფრთოვანდით. ქართველი დიდი ფეხბურთელია, თუმცა არ ჰყავს ისეთი ნაკრები, რომელიც ამ გზაზე მას კომპანიონობას გაუწევს.
მსგავსი შემთხვევა გვაქვს ჰაალანდზე – დიდი სირცხვილია! ეს ფეხბურთელები ბრაზილიაში ან არგენტინაში უნდა დაბადებულიყვნენ“.
ხვიჩა კვარაცხელიას „ნაპოლი“ კი თურქეთში მოსამზადებელ შეკრებაზე იმყოფება და გუშინ ქალაქ ანტალიაში ადგილობრივ „ანტალიასპორს“ დაუპირისპირდა. შეხვედრა ნეაპოლელთა გამარჯვებით დასრულდა – 3:2.
ხვიჩა კვარაცხელიამ ტრავმის მორჩენის შემდეგ პირველად ითამაშა და პირველი ტაიმის შემდეგ შეცვალეს. ხვიჩას საგოლე მოქმედებაში მონაწილეობა არ მიუღია, თუმცა რასპადორიმ პირველი გოლი მისი აქტიურობის შემდეგ გაიტანა.
შეხვედრამდე გამოცემამ „CalcioNapoli24“ ინტერვიუ ახლო წარსულში ცნობილ თურქ ფეხბურთელ ნური შაჰინს ჩამოართვა, რომელიც ამჟამად „ანტალიასპორის“ მთავარი მწვრთნელია.
„რას ვფიქრობ დღევანდელ „ნაპოლიზე“? – ეს გუნდი მიყვარს! მათი დიდი ფანი ვარ და სიმართლე გითხრათ, ვერ წარმოვიდგენდი, ამ სეზონში მსგავს მაღალ დონეს თუ აჩვენებდნენ.
კვარაცხელიათი აღფრთოვანებული ვარ! ის ჯერ კიდევ „რუბინში“ შევამჩნიე და „ნაპოლიმ“ მისი სახით დიდებული გარიგება დადო!
ნეაპოლური გუნდი შესანიშნავ ფეხბურთს თამაშობს! ძალიან შემტევი, გაბედული, დიდი თავდაჯერებულობითა და თავმოყვარეობით. სპალეტი ძალიან თანამედროვე მწვრთნელია, ისინი პირველები არიან „სერია A“–ში და ამას იმსახურებენ“, – განაცხადა ნური შაჰინმა.
რაც შეეხება უშუალოდ შეხვედრას.
გუშინ, ცნობილი გახდა რომ იტალიის „სერია A“–ში შეიძლება, მორიგი დიდი საფეხბურთო სკანდალი მოხდეს. ტურინის პროკურატურამ „იუვენტუსის“ ყოფილ პრეზიდენტ ანდრე ანიელის წინააღმდეგ და სხვა ფინანსური თაღლითობების ფაქტზე გამოძიება დაიწყო.
„იუვენტუსის“ საქმიანობაზე გამოძიებას აწარმოებს უეფაც, რომელსაც ეჭვი ფინანსური ფეირ–პლეის დარღვევაზე აქვს.
„იუვეს“ ხელმძღვანელობა ეჭვმიტანილია, რომ მათ გააკეთეს არასწორი ფინანსური მონაცემები, გააყალბეს და გაზარდეს ფეხბურთელების ფასები, ასევე გაკეთდა ყალბი დეკლარაციები. ამან მოახდინა ბაზრის მანიპულირება, ეს ყველაფერი კი ხელს უშლიდა აუდიტის კონტროლს.
სპორტულმა ადვოკატმა მატია გრასანიმ გამოცემა „La Respublica“–სთან განაცხადა, რომ ამ ამბავმა შეიძლება უფრო დიდი სკანდალი ჰპოვოს, ვიდრე თავის დროზე ე.წ. „კალჩოპოლი“ იყო.
„ეს არის ყველაზე მძიმე და სერიოზული გამოძიება, რაც „იუვენტუსის“ წინააღმდეგ როდისმე უწარმოებიათ. შესაძლოა, ეს ამბავი უფრო სერიოზული გამოდგეს, ვიდრე ეს 2006 წელს მომხდარი კალჩოპოლია.
საფონდო ბირჟა, კორპორატიული და სპორტული წესები მოიცავს რიგ უკანონო ქმედებებს. „იუვენტუსს“ ემუქრება არა მხოლოდ ჯარიმით დასჯა, არამედ კანონით შესაძლოა, გამოიწვიოს ჩემპიონატიდან გარიცხვა და დაქვეითება“, – განაცადა მატია გრასანიმ.
გუშინ, ცნობილი გახდა რომ ინგლისის ნაკრებისა და დორტმუნდის „ბორუსიას“ ნახევარმცველი ჯუდ ბელინგემი, სავარაუდოდ, კარიერას პრემიერლიგის „ლივერპულში“ გააგრძელებს.
19 წლის მოთამაშესთან მოლაპარაკების პროცესში „ლივერპული“ უფრო წინ არის ვიდრე – მადრიდის „რეალი“, რომელსაც ყველაზე მეტად ბელინგემის ფასი აშინებს. მადრიდულ კლუბში უბრალოდ არ იციან, სად უნდა მოიძიონ 150 მილიონი ევრო, რომელსაც დორტმუნდის „ბორუსია“ ფეხბურთელში მოითხოვს.
გუშინვე, ცნობილი გახდა რომ ახალგაზრდა ბრაზილიელი მოთამაშე ენდრიკი, კარიერას დიდი ალბათობით მადრიდის „რეალში“ გააგრძელებს.
ბრაზილიურ „პალმეირასის“ თავდამსხმელსა და „რეალს“ შორის მოლაპარაკებები დასასრულს უახლოვდება. მადრიდული გუნდი მზადაა ენდრიკის სანაცვლოდ 60 მილიონი ევრო გადაიხადოს. გავრცელებული ინფორმაციით, ახალგაზრდა ბრაზილილი გუნდს 2024 წლის ზაფხულში შეუერთდება, როდესაც 18 წელი შეუსრულდება.
ცნობილი გახდა, რომ ახლო წარსულში იტალიის ნაკრებისა და „მილანის“ თავდამსხმელი ალბერტო ჯილარდინო „ჯენოას“ მთავარ მწვრთნელად დაინიშნა.
გენუური კლუბიდან გერმანელი ალექსანდერ ბლესინი არადამაკმაყოფილებელი შედეგების გამო დაითხოვეს, მის ნაცვლად კი ჯილარდინო მიიწვიეს, რომელიც აქამდე „ჯენოას“ მეორე გუნდს ავარჯიშებდა.
„ჯენოა“ „სერია B“–ში 23 ქულით მესამე–მეექვსე ადგილებს იყოფს, „ბარისთან“, „პარმასა“ და „ბრეშასთან“ ერთად.
ავტორი
