პარტია “ქართული ოცნების” თავმჯდომარე ბიძინა ივანიშვილი “ქართული ოცნების” მხარდამჭერებს სამართლიანობის აღდგენას პირდება და ცვლილებებს აანონსებს.
მისი თქმით, გაიზრდება პარტიის როლი და ბევრი ახალი სახე შემოვა.
“მთავრობაში დიდი ცვლილებები არ მომხდარა. მოხდა პატარა ცვლილებები და გადაადგილებები. მაგრამ, ეს იქნება გაცილებით ეფექტური, ვიდრე იყო წინა ხელისუფლება. რომ ვთქვა, წინა მთავრობას ანუ, იმაზე წინა მთავრობას, პრემიერებს თუ გავიხსენებთ, გნებავთ კვირიკაშვილს და გინდაც ღარიბაშვილს, არაფერი კატასტროფული არ მომხდარა ყოველ შემთხვევაში მათთვის.
პირველი ეტაპი ძალიან კარგად დაიწყო კვირიკაშვილმა რამდენიმე თვე, ეს ვთქვი და აღარ გავიმეორებ _ ასეთი ტემპები აღარ გვაწყობს, ასეთი ეფექტურობა მართვის სტილის არ არის საკმარისი.
რაც მოხდა გადაადგილება, მსგავსი შეიძლება მოხდეს. როცა საშუალება იქნება სხვადასხვა სტრუქტურებში და პირველ რიგში, პარტიის როლს გავზრდი და ძალიან ბევრი ახალი სახე შემოვა პარტიაში.
შევეცდები, რეგიონებში გავამაგრო და გაიზარდონ ახალი წარმომადგენლები “ქართული ოცნების” და საერთოდ, პოლიტიკურად სჭირდება განვითარება.
ძალიან ბევრი განაწყენებული, ობიექტურად განაწყენებული ქართული ოცნების მხარდამჭერია დარჩენილი. აქაც, მე მათ ვპირდები, რომ მაქსიმალურად აღვადგენ სამართლიანობას“, _ განაცხადა ბიძინა ივანიშვილმა მედიის წარმომადგენლებთან საუბრისას და იმ მიზეზებზე ისაუბრა, რომელის გამოც, მისი თქმით “სამართლიანობის აღდგენა ვერ მოხერხდა”:
“ჩემი პრემიერობის დროს, ძირითადად, დაკავებული ვიყავი, როგორ დამერწმუნებინა ჩვენი პარტნიორები საზღვარგარეთ, აშშ სტრატეგიული პარტნიორი, ევროპელები, რომ მე არ ვარ ვიღაც ძალა, დესტრუქციული, რომელიც მოვიდა იმისთვის, რომ, საქართველო დაანგრგიოს და ვიღაცას გადასცეს, რასაც უკიჟინებდნენ ნაციონალები.
მათ ჰქონდათ ძალიან კარგი კავშირები, ძალიან მეგობრული ურთიერთობები ჰქონდათ ამერიკასთან თუ ევროპასთან.
თქვენ ვერც კი წარმოგიდგენიათ, რაც არ ჩანდა ზემოთ და რასაც ვერ ვიტყვი დღეს მედიაში, როგორ, რა სიღრმეებში იყვნენ ჩართული და როგორი კავშირები ჰქონდათ და როგორი მძიმე იყო ყოფა მაშინ ჩემი, თუ გნებავთ პრემიერის რანგში.
ამას მიჰქონდა ძირითადად დრო”, _ აღნიშნა ივანიშვილმა.
პარტია “ქართული ოცნების” თავმჯდომარის თქმით ეჭვები მისი და “ქართული ოცნების” მისამართით სტრატეგიული პარტნიორებისგან განულებულია:
“ჩემი წასვლის შემდგომ ეტაპებზე გახსოვთ, რომ მძიმე იყო ის დასჯის პერიოდები_ პასუხისგებაში მიეცა ძალიან ბევრი თანამდებობის პირი ღარიბაშვილის დროს. შემდეგ მოვიდა კვირიკაშვილი, ახლა არის ახალი პრემიერი და დღეს აუცილებლად მივიღებთ შედეგს და ერთი წელიწადიც არ დასჭირდება, რომ ძალიან მკვეთრი და ხარისხიანი ვერტიკალი ექნება ყველა შტოს ხელისუფლების და მათ რიცხვში პარტიას.
ამის საშუალებას მაძლევს ის, რომ ყოველგვარი ეჭვი ევროპიდან და ასევე სტრატეგიული პარტნიორისგან, აშშ-სგან ჩვენი გუნდის მიმართ, პირადად ჩემ მიმართ, აბსოლუტურად განულებულია.
პირიქით, თუ ოდესმე, ვინმეს ჰქონია ურთიერთობა და იმას, რასაც მე ვიხსენებ ჩვენს პარტნიორებთან, დღეს გვაქვს საუკეთესო ურთიერთობა აშშ-სთან. ერთი ეჭვი არ არის ქართულ ოცნებასთან.
ეს არის პროდასავლური პარტია, არავის შეკითხვა არ აქვთ ჩემთან დაკავშირებით, ამის კარგი მაგალითი იყო ის, რომ როცა კვირიკაშვილზე, რომელიც პროდასავლურად მოიხსენიება და წავიდა ანამდებობიდან, შეკითხვაც არ დაუსვამთ, რატომ წავიდა და ვინ იქნება? ამას, გულახდილად გეუბნებით _ ასე არ იყო ადრე, ასე არ გახლდათ.
არავითარი კითხვები არ ისმის საქართველოს ყოფილი პრეზიდენტის მიმართაც ჩვენი პარტნიორების მხრიდან და ეს კარგად ჩანს. ყველამ აღიარა, რომ ის სწორად არის დასჯილი.
ნახეთ, რამდენად კულტურულია ჩვენი გუნდი, არასდროს არ უხმარია არც ერთი გუნდის წევრს და მათ შორის, არც მე, რომ მოგვეხსენიებინა სააკაშვილი კრიმინალად.
ქართულმა სასაამართლომ, ჩვენმა სახელმწიფო სასამართლომ მას უკვე მიუსაჯა. ჩვენ შეგვიძლია ეს ტერმინი ვიხმაროთ. ნახეთ, თვითონ რა ტერმინებს ხმარობენ და როგორ იქცევიან. ა
ღარ არის დღეს პრობლემა იმის, რომ პარტნიორები ვარწმუნოთ, რომ ვინ ვართ ჩვენ. ძალიან დიდი ტვირთი მოვიშორეთ ჩვენ და ამაზე მიდიოდა დიდი ენერგია.
ჩემგან პირველი წელი, 90% ენერგია ამ მიმართულებით მიდიოდა. დღეს, მე ჩემს გამოცდილებას აღარ დავხარჯავ ამ მიმართულებით, ისევე როგორც გუნდი და მთლიანად მოვახმარ მენეჯმენტს, რომ ვერტიკალი იყოს მკაცრი, სახელმწიფო იგრძნობოდეს კარგად”, _ განაცხადა ბიძინა ივანიშვილმა.
