ჩოხატაურში ივლიტას ბიბლიოთეკაში “ჟურნალისტთა ქსელი გენდერული თანასწორობისთვის” მიერ ორგანიზებით თუ რა სიახლებს უნდა ელოდოს ამომრჩეველი 26 ოქტომბრის არჩევნებზე საინფორმაციო შეხვედრა მოეწყო.
შეხვედრის პირველ ნაწილში “ჟურნალისტთა ქსელი გენდერული თანასწორობის” წარმომადგენელმა, გიორგი გირკელიძემ ისაუბრა ორგანიზაციის მიერ გავლილ წლებზე და ასევე დამსწრე საზოგადოებას მიეწოდა ინფორმაცია 26 ოქტომბერს დაგეგმილ არჩევნებზე.
„ჟურნალისტთა ქსელი გენდერული თანასწორობისთვის” IFES-ის ფინანსური მხარდაჭერით შეიქმნა. ამ ორგანიზაციის ბაზაზე საქართველოს 8 რეგიონში დაფუძნდა გენდერის მედიაცენტრები.
ორგანიზაციის წარმომადგენლები 2013 წლიდან დღემდე, რაც არჩევნები ჩატარებულა, ატარებენ საზოგადოების წრეებში საინფორმაციო შეხვედრებს ამომრჩეველთათვის და მათ ვაწვდით ინფორმაციას საარჩევნო სიახლეებზე. სწორედ მსგავსი შეხვედრების დროს შევხვდით ასობით შშმ პირს და გავაცანით ინფორმაცია იმ სიახლეების შესახებ, რომელიც მათ ეხებოდათ არჩევნების დროს,“ – აღნიშნა შეხვედრის დაწყებისას ოზურგეთის გენდერის მედიაცენტრის წარმომადგენელმა გიორგი გირკელიძემ.
მეორე ნაწილი კითხვა-პასუხის რეჟიმს დაეთმო. შეხვედრაზე ონლაინ ჩაერთო „საქართველოს ახალგაზრდა იურისტთა ასოციაციის“ ოზურგეთის ოფისის ხელმძღვანელი, იურისტი თამაზ ტრაპაიძე. მან ამომწურავად უპასუხა მოწვეული სტუმრების კითხვებს.
ყველაზე მეტი კითხვა საარჩევნო ახალ სისტემაზე იყო. როგორც ცნობილია, წელს თითქმის ყველა საარჩევნო უბანზე არჩევნები ელექტრონული წესით ჩატარდება.
„საინტერესო იყო საარჩევნო სისტემასთან დაკავშირებით მოწოდებული ინფორმაცია. ასევე გავიგეთ თუ რა უპირატესობები აქვს ელექტრონული წესით ჩატარებულ არჩევნებს და როგორ უნდა მივიღოთ მონაწილეობა. შეხვედრა ძალიან საინტერესო და პროდუქტიული იყო ბოლოს გვქონდა შესაძლებლობა „საქართველოს ახალგაზრდა იურისტთა ასოციაციის“ იურისტისთვის დაგვესვა კითხვები და მივიღეთ ამომწურავი და საინტერესო პასუხები. ვფიქრობ, ასეთი შეხვედრები დაეხმარება ჩვენს მოსახლეობას მიიღოს საარჩევნო პროცედურებთან დაკავშირებით ამომწურავი ინფორმაცია, როგორც პრაქტიკული ასევე თეორიული კუთხით. ახალი ინფორმაცია ძალაა , უკეთესი მომავლისათვის,“ – აღნიშნა ჩვენთან საუბრის დროს შეხვედრის მონაწილემ თამთა ცინცაძემ.
მსგავსი შეხვედრები საქართველოს რვა ქალაქში IFES-ის ფინანსური მხარდამჭერით მიმდინარეობს.
