აშშ-ის ახლად არჩეული პრეზიდენტის, ჯო ბაიდენის განცხადებით აშშ-ში კორონავირუსის საწინააღმდეგო ვაქცინა სავალდებულო არ უნდა იყოს. ამის შესახებ ინფორმაცის გამოცემა ,,thehill“ ავრცელებს.
როგორც გამოცემა წერს, ბაიდენმა აღნიშნა, რომ ყველაფერს გააკეთებს იმისათვის, რომ ადამიანებმა სწორი გადაწვეტილება მიიღონ
,,არ ვფიქრობ, რომ კორონავირუსის ვაქცინაცია სავალდებულო უნდა იყოს, მე არ მოვითხოვდი ამას. ისევე, როგორც არ ვფიქრობ, რომ პირბადის ტარება სავალდებულო უნდა გახდეს ქვეყნის მასშტაბით.
მე, როგორც პრეზიდენტი, ყველაფერს გავაკეთებ იმისათვის, რომ მოქალაქეებს სწორი ნაბიჯის გადადგმაში ხელი შევუწყო და ვაჩვენო, რომ ეს მნიშვნელოვანია“, – განაცხადა ბაიდენმა.
ცნობისთვის, 4 დეკემბერს ჯო ბაიდენმა CNN-თან ინტერვიუში განაცხადა, რომ აშშ-ის ყოფილი პრეზიდენტებს, ბარაკ ობამას, ბილ კლინტონსა და ჯორჯ ბუშს შეუერთდება და დიდი სიამოვნებით გაიკეთებს ვაქცინას საჯაროდ, ტელეკამერების წინ იმისათვის, რომ საზოგადოებაში ვაქცინების უსაფრთხოებასთან დაკავშირებული მღელვარება შეასუსტოს.
როგორც BBC-ი წერს, რომ Pew Research Center-ის მიერ შეერთებულ შტატებში ჩატარებული გამოკითხვის თანახმად, კორონავირუსის ვაქცინის გასაკეთებლად ამჟამად ამერიკელების 60%-ია მზად.
ცნობისთვის, დიდმა ბრიტანეთმა რამდენიმე დღის წინ კომპანია ,,Pfizer”- ის მიერ შექმნილი კორონავირუსის საწინააღმდეგო ვაქცინა დაამტკიცა. აშშ-ის საკვებისა და მედიკამენტების ადმინისტრაცია კი ორი ვაქცინის დამტკიცების პროცესშია. რამდენიმე ქვეყანამ საკუთარი მოსახლეობის ვაქცინაციის დაწყების გეგმა უკვე წარადგინა.
