ჩეჩნეთის ლიდერი, რამზან კადიროვი, რუსეთის არმიის უკრაინაში უკან დახევით უკმაყოფილოა. მისი განცხადებით, რუსი სამხედროების მიერ სამხედრო ოპერაციის ხარკოვის მიმართულებით დატოვებული ყველა ქალაქი “დაბრუნდება უკან”, მან პირობა დადო კონკრეტულ შედეგებს უახლოეს მომავალში დადებს – ამის შესახებ რუსული საინფორმაციო სააგენტო РИА Новости წერს.
როგორც გამოცემა წერს, მანამდე ხარკოვის ოლქის ახალი სამხედრო-სამოქალაქო ადმინისტრაციის თავმჯდომარემ ვიტალი განჩევმა განაცხადა, რომ ხელისუფლებამ დაიწყო მოსახლეობის ევაკუაცია კუპიანსკიდან, იზიუმიდან , მევჩენკოვოდან და ბალაკლიიდან, მან მოსახლეობას მოუწოდა დაეტოვებინათ სახლები, საბრძოლო ზონა. თავდაცვის სამინისტრომ განაცხადა, რომ ჯარები ბალაქლეიდან და იზიუმიდან გადაჯგუფდნენ დონეცკის მიმართულებით ” დონბასის განთავისუფლების სპეციალური სამხედრო ოპერაციის დასახული მიზნების მისაღწევად “.
კადიროვმა ამ გადაწყვეტილებას „სამხედრო სტრატეგიის“ თვალსაზრისით იძულებითი უწოდა.
“მე, რამზან კადიროვი, ოფიციალურად ვაცხადებ, რომ ყველა ეს ქალაქი დაბრუნდება უკან, ჩვენი ხალხი უკვე არის იქ, სპეციალურად ამ საქმისთვის გაწვრთნილი, მზად არის კიდევ ათი ათასი მებრძოლი წასასვლელად. ჩვენ უახლოეს მომავალში ოდესაში ჩავალთ, თქვენ კი იხილავთ კონკრეტულ შედეგებს”. – აცხადებს კადიროვი.
კადიროვი სამხედრო ხელმძღვანელობის გადაწყვეტილებებს აკრიტიკებს და ამბობს, რომ რუსებმა უკრაინელებს “რამდენიმე ქალაქი აჩუქეს”.
“ვერავის დავაბრალებ, რადგან სიღრმისეულად არ მესმის, რა სტრატეგია შემუშავდა, მაგრამ ერთი რამ ვიცი: რუსეთი გაიმარჯვებს და NATO-ს ეს შაიტანები და დასავლეთ ევროპის სადაზვერვო სამსახურები, მათი იარაღი ჩახშობილი იქნება, დათრგუნული იქნება. ჩვენი მებრძოლების სულისკვეთებით” – ამბობს კადიროვი.
ცნობისთვის, უკრაინამ ბოლო დღეებში ხარკოვის რეგიონში განხორციელებული დიდი კონტრშეტევის შედეგად დაიბრუნა კონტროლი ორ მთავარ ქალაქზე კუპიანსკისა და იზუმზე. რუსეთი ბალაკლიასა და იზიუმიდან უკან დახევას ადასტურებს. უკრაინული მედია Unian-ი თავდაცვის ძალების პრესცენტრის ხელმძღვანელ ნატალია გუმენიუკზე დაყრდნობით წერს, რომ სამხრეთით კონტრშეტევის შედეგად უკრაინელი მებრძოლები ათობით კილომეტრით დაწინაურდნენ.
ავტორი
