საქართველოს ჩემპიონის თამაზ ღლონტის მწვრთნელი დავით მჟავია ფეისბუქზე პოსტს აქვეყნებს.
“კალანდის წინა დღეს ჩემმა მოსწავლეებმა უდიდესი სიხარული მომანიჭეს. 11-13 იანვარს ქ.თბილისში ჩატარებულ საქართველოს ჩემპიონატში U-23 წლამდელთა ასაკის მოჭიდავეთა შორის ბ/რ ჭიდაობაში 55კილოგრამ წონით კატეგორიაში შესანიშნავად იჭიდავა და ჩემპიონი გახდა 18 წლის თამაზ ღლონტი, რომელმაც 3 შეხვედრა ჩაატარა და ყველა აშკარა უპირატესობით მოიგო. ის უკვე საქართველოს 5-გზის ჩემპიონია სხვადასხვა ასაკში (2-ჯერ U-15 და 2-ჯერ U -17), ასევე არის საქართველოს 3-გზის ვიცე-ჩემპიონი (U-15,U-20 და U-23 წლამდე ასაკში ) და დიდებში მესამე პრიზიორი. მსოფლიოსა და ევროპის ჩემპიონატებში მოპოვებული აქვს 5 მედალი (2 ვერცხლის და 3 ბრინჯაოს). 63 კგ წონით კატეგორიაში ბრინჯაოს მედალი მოიპოვა 17-წლის ოთარ ჯანელიძემ, რომლისთჳისაც ეს მესამე ბრინჯაოს მედალია საქართველოს პირველობაზე, მანამდე კი ის 2020 წლის საქართველოს ჩემპიონი იყო 15 წლამდე ასაკის მოჭიდავეთა შორის.წელს კი პირველად სცადა ბედი მასზე ბევრად უფროს მოწინააღმდეგებთან, მისთვის საპრიზო ადგილზე გასვლა და ნაკრებში მოხვედრა ნამდვილად წარმატებაა , ვულოცავ ორთავეს ამ წარმატებას და ვუსურვებ ევროპისა და მსოფლიოს ჩემპიონატებში მონაწილეობის მიღებას და გამარჯვებას.აპრილის თვეში ორთავე თავიანთ ასაკში U- 20 წლამდელთა საქართველოს ჩემპიონატში მიიღებენ მონაწილეობას , სადაც ორივე ჩემპიონობის რეალური კანდიდატებია”,_ წერს ფეისბუქზე თამაზ ღლონტის მწვრთნელი დავით მჟავია.
