როგორ დავფაროთ დაღლილი და ჩაწითლებული თვალები
შეშუპებული ქუთუთოები, ჩაწითლებული თვალები _ აი, რა გასცემს თქვენს დაღლილობას. იმისათვის, რომ ეს ყველაფერი დაფაროთ და შესანიშნავად გამოიყურებოდეთ, წაისვით თვალის რბილი, თეთრი ფანქარი ქვედა ქუთუთოს შიდა ხაზზე. ეს ვიზუალურად ბუნებრიობას და ჯანსაღ იერს მოგანიჭებთ.
გაღიავებულ თმას მომწვანო ელფერი რომ არ დაჰკრავდეს
გაღიავებულმა თმამ საცურაო აუზში ბანაობის შემდეგ, ქლორიანი წყლის გავლენით, შესაძლოა მომწვანო ელფერი მიიღოს. ამიტომ, მის აღმოსაფხვრელად კარგია პომიდვრის კეტჩუბის ნიღაბი. დაიტანეთ იგი თმის მთელ სიგრძეზე და გაიჩერეთ დაახლოებით 5-10 წუთის განმავლობაში, შემდეგ კი ჩამოიბანეთ შამპუნის დახმარებით. მომწვანო შეფერილობა თმას უმალვე მოშორდება.
დაიწყეთ დილა ლიმონიანი თბილი წყლის დალევით
დაიწყეთ დილა ლიმონიანი თბილი წყლის დალევით. მას ორგანიზმიდან გამოაქვს ტოქსინები, აუმჯობესებს კანის მდგომარეობას. თუ უზმოზე ყავის დალევას ხართ მიჩვეული, მანამდე აუცილებლად მიიღეთ წყალი მოზრდილი ჭიქით. ამასთანავე, ეცადეთ დილის ყავა ჩაანაცვლოთ თაფლიანი და ლიმონიანი წყლით, რაც გაცილებით გაგიადვილებთ გამოფხიზლებას.
ხშირად გარეცხეთ ბალიში
დაივიწყეთ ბალიშის გარეცხვა თვეში მხოლოდ ერთხელ, რადგან იგი წარმოადგენს იდეალურ ადგილს უამრავი პარაზიტის და ბაქტერიისათვის. ბალიშის ერთი მესამედი ცოტა ხანში იფარება კანის მიკროსკოპული ნაწილების, მიკრობებისა და მტვრისაგან, რაც დიდ ზიანს აყენებს თქვენი სახის კანს.
ბუნებრივი ნიღაბი თმისთვის
დაჭერით და კარგად დასრისეთ ავოკადოს რბილობი და მიღებული მასა შეიზილეთ თმაში, გაიჩერეთ, დაახლოებით, 15 წუთის განმავლობაში და შემდეგ, ჩამოიბანეთ ჩვეული წესით. ცნობილია, რომ ავოკადოს ნაყოფი შეიცავს 30%-მდე ცხიმებს, 1, 6-2, 1% პროტეინს, ვიტამინებს B1, B2, С, D, K და სხვა. ისარგებლეთ ამ უმარტივესი და საოცრად ეფექტური თმის ნიღბით, რომელიც აღადგენს თმას ძირიდან ბოლომდე და დაუჯერებელ ბზინვარებასა და სილამაზეს შესძენს მას.
ივარჯიშეთ ყოველ დღე
დღეში, მინიმუმ, 30-წუთიანი ვარჯიში, არა მხოლოდ ლამაზ სხეულს გაჩუქებთ, არამედ მთელი დღის განმავლობაში დადებითი ენერგიით დაგმუხტავთ, გაგიუმჯობესებთ ცხოვრების ხარისხს. ცოტა ხანში მიხვდებით, რომ ვარჯიში უკვე ჩვევად ჩამოგიყალიბდათ და მის გარეშე ვეღარც წარმოიდგენთ თქვენს დღეს.
ყოველთვის გამოიყენეთ მზისგან დამცავი კრემები
არავითარ შემთხვევაში არ მიიღოთ რუჯი მზისგან დამცავი საშუალებების გარეშე. კრემები, რომლებიც ულტრაიისფერი სხივების მავნე ზემოქმედებისაგან იცავენ კანს, დამზადებულია ბუნებრივი კომპონენტებისგან, ამიტომ ხელს უწყობს ახალი უჯრედების წარმოშობას. ამას გარდა, იცავს კანს გაღიზიანებისგან, ანოტივებს, კვებავს და ვიტამინებით ამდიდრებს მას, აჩერებს დაბერების პროცესს. მხოლოდ, საჭიროა კრემის სწორი შერჩევა.
თმა გაიშრეთ ფენის გარეშე
იმისთვის, რომ ზედმიწევნით კარგად გაიშროთ თმა, ქსოვილის პირსახოცი ჩაანაცვლეთ კარგი შეწოვის უნარის მქონე ქაღალდის პირსახოცით და შეიმშრალეთ თმა ძირებიდან თმის წვერამდე. ნუ გაიმშრალებთ უხეშად, რადგან ამ დროს თმა ადვილად ტყდება და იწყებს დაყოფას.
აჩუქეთ საკუთარ თავს ლამაზი დღე კვირაში ერთხელ მაინც
თქვენ ნამდვილად იმსახურებთ კვირაში ერთი დღე მაინც მიუძღვნათ საკუთარ თავს. ალბათ ფიქრობთ, რომ ამისათვის საკმარისი დრო არ გაქვთ, ან სულაც ფინანსური მდგომარეობა არ გიწყობთ ხელს, მაგრამ ამ რჩევის გათვალისწინება იმაზე მარტივია, ვიდრე წარმოგიდგენიათ. თუ ვერ ახერხებთ გაისეირნოთ ლამაზ ადგილას საყვარელ ადამიანთან ერთად, წახვიდეთ კინოში, ან თეატრში, ან თუნდაც მიანიჭოთ საკუთარ თავს ბედნიერება სასურველი ნივთის შეძენით, შეგიძლიათ უბრალოდ ფინჯანი ყავა დალიოთ მეგობართან ერთად, მოუსმინოთ მუსიკას, ან სულაც უყუროთ საინტერესო ფილმს. აგრეთვე, საოცრად დაგამშვიდებთ და ახალი ენერგიით აგავსებთ თუ მოუსმენთ სპეციალურ, მედიტაციისათვის განკუთვნილ მუსიკას, ბუნების ხმებს, რომელთა მოძიება ინტერნეტის საშუალებით ძალიან მარტივია.
გქონდეთ მადლიერების გრძნობა და რაც შეიძლება ხშირად გაიღიმეთ
ხშირად, სკეპტიკურად ვუყურებთ ჩვენი აზრებისა და შინაგანი განწყობის ძალას და დიდ შეცდომასაც ვუშვებთ, რადგან მასშტაბურმა სტატისტიკურმა კვლევებმა დაადასტურეს, რომ მადლიერების გრძნობა და ცხოვრებისადმი ოპტიმისტური მიდგომა, სიცოცხლეს ახანგრძლივებს და ფსიქიკური და ფიზიკური სტაბილურობის შენარჩუნებას უწყობს ხელს.
