ევროპარლამენტარი ვიოლა ფონ კრამონი და IRI-ის კვლევას twitter -ზე ეხმაურება, რომლის თანახმადაც, EU-ში გაწევრიანების მხარდაჭერა ისტორიულ მაქსიმუმზეა.
მისი თქმით, ქართული ოცნებისა და მისი სატელიტების ანტიევროპული კამპანია წარუმატებლად დასრულდა
,,კარგი ამბები საქართველოდან! ქართული ოცნებისა და მისი სატელიტების ანტიევროპული კამპანია წარუმატებლად დასრულდა. ქართველი ხალხის თითქმის 90% ევროკავშირში გაწევრიანების მომხრეა. ყველა დროის ყველაზე მაღალი მაჩვენებელია. ხალხმა მშვენივრად იცის, ვინ არის ნამდვილი მეგობარი და ვინ არა!“ – წერს ევროპარლამენტარი.
ცნობისთვის, IRI-ის ახალი კვლევის მიხედვით EU-ში გაწევრიანების მხარდაჭერა ისტორიულ მაქსიმუმზეა. გამოკითხულთა 89% სრულად ან მეტ-ნაკლებად უჭერს მხარს საქართველოს ევროკავშირში გაწევრიანებას.
ორგანიზაციის ცნობით, მხარდაჭერა წინა კვლევასთან შედარებით, 4%-ით არის გაზრდილი და ისტორიულ მაქსიმუმს აღწევს.
ავტორი
