ქობულეთში მცხოვრები ცხოველთა მოყვარული ანეტა გოგმაჩაძე ბათუმის ცხოველთა თავშესაფარს, აიბოლიტს უჩივის. საკუთარ ფეისბუკ პოსტში ანეტა თავშესაფრის დირექტორის თანამდებობიდან მოხსნას მოითხოვს და ბრალს სდებს არაპროფესიონალურ გადაწყვეტილებაში. ის მედიას მოუწოდებს, რომ დაეხმარონ უსამართლობის წინააღმდეგ, რომელიც მის გარშემო მოხდა:
„სად ხართ ცხოველთ მოყვარულებო!რა ჭირდა ამ ძაღლს სასიკვდილო.
ვეღარაფერი შემაჩერებს , იყავით კონტაქტზე ჩემთან, რომ დაგეგმილად ვიმოქმედოთ,
სასწრაფოდ ტელევიზიები“.
„გურია ნიუსი“ ანიტას დაუკავშირდა. მან გვითხრა, რომ ბათუმიდან ჩამოსულმა გამოძახებულმა ჯგუფმა მისი მფარველობის ქვეშ მყოფი ბრმა ძაღლი, რომელიც ცოფიანი ეგონათ, თავშესაფარში გადაიყვანეს და თავი მოაჭრეს. ანეტა ჯემალ გოგიტიძეს, აიბოლიტის დირექტორს, მომხდარზე პასუხისმგებლობას აკისრებს და მის გადაყეებას ითხოვს:
„მათ არ ჰქონდათ უფლება ჩემს გარეშე ძაღლი ჩემი ტერიტორიიდან წაეყვანათ. მე ისინი გავაფრთხილე, რომ ყველა გამოძახების შესახებ ჩემთვის ეცნობებინათ, რადგან ჩემზე უკეთ არავინ იცის ჩემი შვილებივით გაზრდილი ძაღლების საჭიროებები, თუმცა ასე არ მოიქცნენ. ქურდულად შემოიპარენ და სრულიად ჯანმრთელი ძაღლი, რომელსაც ძალიან დიდი ხანია ვუვლი საკუთარი შვილივით, იმის გამო, რომ ბრმაა, მომიკლეს. თავი მოაჭრეს იმიტომ, რომ ცოფიანი ეგნათ თვალებში რომ შეხედეს. როგორ შეიძლება ექიმი ვერ მიხვდეს ძაღლი ცოფიანია, თუ ბრმა?“ – ამბობს ანეტა.
ის ასევე გვიყვება, რომ როგორც კი ძაღლის წაყვანის შესახებ გაიგო, მაშინვე დაუკავშირდა თავშესაფარს და მისი უკან დბრუნება მოსთხოვა. უმტკიცებდა, რომ ძაღლი ბრმაა და იმ მედიკამენტების ჩამონათვალიც გაუგზავნა, რითაც მთელი ამ ხნის განმავლობაში მკურნალობდა. თავშესაფრისგან მართლაც მიიღო თანხმობა მკურნალობაზე, თუმცა, როგორც ამბობს, მოატყუეს, რადგნ მეორე დღეს ძაღლს თავი მოაჭრეს.
„მათ მე მომატყუეს, მითხრეს, რომ უმკურნალებდნენ, თუმცა საპირისპიროდ მოიქცნენ 75 ლარის გამო, რომლსაც ერთ გამოძახებაზე იღებენ. ამ საქქმეს ასე არ დავტოვებ, რადგან ეს პირველი ძაღლი არ არის. ასე იპრავენ ქუჩიდან ძაღლებს, ასტერილებენ და სვამენ ქუჩაში, სრულიად დაუცველ გარემოში, რათა შემდეგ მანქანამ იმსხვერპლოს რომელიმე“.
ანეტა უკვე წლებია, რაც ქობულეთში მიუსაფარ ძაღლებს მფრაველობს. ის საკუთარი სახსრებით კვებავს ცხოველებს, უშენებს სახლებს და უწევს ყველა ტიპის სამედიცინო დახმარებას.
[sexy_author_bio]
