ხანძარი გარდაბანში _ ცეცხლი ავტომანქანების მეორადი ნაწილების საწყობს უკიდია

ამ წუთებში ხანძარია გარდაბანში, სოფელ ყარაჯალაში. ამის შესახებ ინფორმაციას საგანგებო სიტუაციების მართვის სამსახური ავრცელებს.

ცეცხლი ავტომანქანის მეორადი ნაწილების საწყობს უკიდია და მეხანძრე მაშველები ხანძრის ლოკალიზებას ცდილობენ.

ადგილზე მობილიზებულია 4 სახანძრო-სამაშველო ჯგუფი.

საგანგებო სიტუაციების მართვის სამსახურის ინფორმაციით, შემთხვევის შედეგად არავინ დაშავებულა.