ხანძარმა კალიფორნიაში საცხოვრებელი სახლები გაანადგურა. მომხდარის შესახებ ინფორმაციას CNN ავრცელებს.
მაუწყებლის ინფორმაციით, კალიფორნიის სახანძრო განყოფილება Suisun City-ის ველურ სამყაროს ცენტრთან ებრძვის 4 ხანძარს.
გავრცელებული ინფორმაციით, ადგილობრივმა მოსახლეობამ ცხოველების გადარჩენა საკუთარი ძალებით სცადა.
როგორც ცნობილია, შემთხვევის შედეგად არავინ დაშავებულა.
ამ დროისთვის ხანძრის შედეგად განადგურებულია 7 საცხოვრებელი სახლი, საფრთხე სხვა საცხოვრებელ სახლებსაც ემუქრება.
შემთხვევის ადგილზე მობილიზებულია 200-ზე მეტი მეხანძრე-მაშველი, ხანძრის მქრობ სამუშაოებში ჩართულია თვითმფრინავებიც.
