,,აქამდე ვერ მოვახერხე, ვერ შევძელი მცირედით მაინც გამომეხატა ჩემი აღფრთოვანება, ლუკა კიკაჩეიშვილის ინტელექტის და ტალანტის შესახებ!
“დიდი სურვილი მაქვს, ყველა სკოლამდე მივიდეს ჩემი ხმა: ,,ხათუნა, თქვენი შვილი მართლაც ტალანტია! Xatuna Failadze კომპეტენტური კომისიის გადაწყვეტილების შემდეგ შევიტყვეთ, რომ ლუკა კიკაჩეიშვილი თქვენი შვილია! ლუკას იმ დონის ნიჭი და ინტელექტი აქვს, რომ სრულიად დამოუკიდებლად შეძლებს წარმატებული კარიერის შექმნას და მაღალი ავტორიტეტის მოხვეჭას. წარმატებებს ვუსურვებ ლუკას, საამაყო ახალგაზრდას!
ამ კონკურსის ,,ვწერ თავისუფალ თემას” ავტორის, ბატონი გია მურღულიას გადაწყვეტილებით მოსწავლეთა ნამუშევრების კრებული დაიბეჭდება. მოუთმენლად ველი ამ კრებულს, რომლის მეშვეობით სკოლებს და დაინტერესებულ პირებს მიეცემათ შესაძლებლობა გაეცნონ მოსწავლეთა ინტელექტს. ალბათ ბევრჯერ წავიკითხავ ლუკას თემას, მისი ნააზრევი არასდროს მომბეზრდება. მჯერა იგივე განცდა ექნება სხვა მკითხველებსაც.
ამ პოსტს, პედაგოგთა თავისუფალი პროფკავშირების თავმჯდომარე, მაია კობახიძე საკუთარი ფეისბუქის გვერდზე აქვეყნებს, სადაც ქალბატონი მაია სამტრედიის მუნიციპალიტეტის პირველი საჯარო სკოლის დირექტორს, ხათუნა ფაილაძეს მიმართავს და მადლობას უხდის საუკეთესო შვილის გაზრდისთვის.
“გურია ნიუსის” მკითხველს შევახსენებთ, რომ სულ ცოტა ხნის წინ სამტრედიის პირველი საჯარო სკოლის მეთორმეტე კლასის მოსწავლემ ლუკა კიკაჩეიშვილმა გია მურღულიას მიერ გამართულ უფროსკლასელთა კონკურსში, გაიმარჯვა და ორგანიზატორების მიერ საზეიმო ვითარებაში დაჯილდოვდა. ლუკას თემის წაკითხვის შემდეგ კი მაია კობახიძეს სურვილი გაუჩნდა, ეს ამბავი საქართველოს ყველა სკოლამდე მისულიყო, რაც ნიჭიერი ახალგაზრდების გაცნობა- პოპულარიზაციას შეუწყობდა ხელს.
[sexy_author_bio]
