“ხაზარაძე რომ ბიზნესში ვიღაცას რაღაცას მოუწოდებს, ეს უკვე ძალიან დიდი ანეკდოტია”

მამუკა ხაზარაძისა და პოლიტიკოსების მოწოდებას ბიზნესის გაფიცვასთან დაკავშირებით, მმართველი გუნდი ეხმაურებიან. პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარის, რატი იონათამიშვილის განცხადებით, “მამუკა ხაზარაძე რომ ბიზნესში ვიღაცას რაღაცას მოუწოდებს, ეს უკვე ძალიან დიდი ანეკდოტია”.

“ეს ადამიანი იყო “ნაციონალური მოძრაობის” ნოტარიუსი და ყველაზე შავ-ბნელი საქმეების თანამონაწილე. ამიტომ, თუ ვინმეს არ აქვს სათქმელი, ამ საკითხთან დაკავშირებით, არის ის, ვინც გაფორმებულია სამართლებრივად, როგორც თაღლითი”, – განაცხადა რატი იონათამიშვილმა.

ინფორმაციისთვის: მამუკა ხაზარაძემ დღეს სოციალურ ქსელში განცხადება გაავრცელა და ბიზნესს მოუწოდა გამაფრთხილებელი, თუნდაც 2-საათიანი გაფიცვა მოაწყოს. “მე არავის არაფერს ვაძალებ, მაგრამ მერე ძალიან გვიან არ იყოს”, – წერს ხაზარაძე.