ხელისუფლებიდან პუტინის ჩამოშორება ერთადერთი გზაა მოსკოვიდან მომავალი საფრთხისგან დასავლეთისა და მისი მოკავშირეების დასაცავად – ამის შესახებ, ლიეტუვის საგარეო საქმეთა მინისტრმა, გაბრიელიუს ლანდსბერგისმა Associated Press-თან ინტერვიუში განაცხადა.
მან მოუწოდა აშშ-ს და ნატოს მოკავშირეებს, კიდევ უფრო მკაცრი პოზიცია ჰქონდეთ, ვიდრე აქვთ.
ლანდსბერგისის თქმით, გამარჯვების დღეს პუტინის ყოველწლიური გამოსვლა და გენერლების “პირქუში სახეები” აშკარად აჩვენებდა, რომ რუსეთი უკრაინასთან ომში წარუმატებლობას განიცდის, თუმცა დასძენს, რომ “დაჭრილი პუტინი უფრო საშიშია და მისი მოშორებაა საჭირო”.
“ჩვენი გადმოსახედიდან, სანამ დღევანდელი რეჟიმი იქნება ხელისუფლებაში, მის გარშემო მყოფ ქვეყნებს გარკვეულწილად საფრთხე ემუქრებათ. არა მხოლოდ პუტინი, არამედ მთელი რეჟიმი, რადგან ერთმა შეიძლება შეცვალოს პუტინი და შეიძლება შეცვალოს მისი ახლო წრეც, მაგრამ სხვა პუტინი შეიძლება დადგეს მის ადგილზე”, – განაცხადა ლანდსბერგისმა.
მან აღნიშნა, რომ ვისაც 2008 წლის ომთან დაკავშირებით ვისაც ეჭვი ეპარებოდა, ახლა ნათლად ხედავენ რუსეთის აგრესიას
,,ასე რომ, სანამ რეჟიმი, რომელიც აპირებს ომების წარმოებას რუსეთის ტერიტორიის გარეთ, არსებობს საფრთხე გარშემო მყოფ ქვეყნების მიმართ, რომელსაც ემუქრება.
ერთი რამ დაუმტკიცდა მათ, ვისაც ეჭვი ეპარებოდა 2008 წლის ომის შემდეგ საქართველოში, 2014 წელს, როდესაც უკრაინაში პირველი ომი დაიწყო, ეს არის ის, რომ რუსეთი აგრესიული ქვეყანაა. ეს ძალიან ნათელია,” _ამბობს ლიეტუვას საგარეო საქამეთა მინისტრი.
ავტორი
