წელს პირველად გლობალური ჰაკათონი – Teens in AI 2024 საქართველოში ალტე უნივერსიტეტის საინფორმაციო ტექნოლოგიების სკოლის ორგანიზებით ჩატარდა.
ჰაკათონში მონაწილეობის მიღების სურვილი, საქართველოს მასშტაბით, 305-მა მოსწავლემ გამოთქვა. ჰაკათონის ფინალურ ეტაპზე 26 გუნდი და 46 მენტორი მონაწილეობდა, მათ შორის იყვნენ გურული გოგონები. ჩოხატაურელები _ მარიამ ცინცაძე, ია ხუხუნაიშვილი და ოზურგეთელი სოფი თავდიშვილი, რომლებმაც შექმნეს ხელოვნურ ინტელექტზე დაფუძნებული ჩატბოტი Nodo.
პროექტის დასასრულს გამოვლინდა Teens in AI საქართველო 2024-ის 3 გამარჯვებული გუნდი, რომლებიც სპეციალური პრიზებით დაჯილდოვდნენ.
გამარჯვებული გუნდის – “Carrier Connection” წევრების მიერ შექმნილი ჩატბოტი Nodo, ეხმარება ახალგაზრდებს თავიანთ ინტერესებსა და უნარებზე დაყრდნობით, კარიერის დაგეგმვაში, სასურველი პროფესიის, უნივესრიტეტისა და ფაკულტეტის შერჩევასა და ინფორმაციის მოძიებაში.
გურული გოგონების ნამუშევრის შესახებ ვიდეო გაიგზავნა პროექტის საერთაშორისო ჟიურისთან, რომელიც გამარჯვებულის ვინაობას 25 აპრილს დაასახელებს.
“გურია ნიუსი” ულოცავს გოგონებს ამ მნიშვნელოვან გამარჯვებას და ახალ-ახალ წარმატებებს უსურვებს.
