უკრაინის შეიარაღებული ძალების გენერალურმა შტაბმა განაცხადა, რომ ხერსონის ოკუპირებული რეგიონი “სრულად დაიხურა შემსვლელთა და გამსვლელთათვის” ე.წ. “რეფერენდუმის” შემდეგ, რომელიც სეპარატისტული ხელისუფლების მიერ გაიმართა რეგიონის რუსეთის ფედერაციაში გაწევრიანების შესახებ. ამის შესახებ СNN წერს.
ხერსონში რუსეთის მიერ მხარდაჭერილი ადმინისტრაციის უფროსის მოადგილემ განაცხადა, რომ საკმარისი ზღვარი იყო კენჭისყრის დასამტკიცებლად, რომლის მიხედვითაც კონტროლირებადი ტერიტორიები გამოეყო უკრაინას და შეუერთდება რუსეთს.
როგორც CNN წერს, უკრაინის თავდაცვის სამინისტროს ქვედანაყოფის, ეროვნული წინააღმდეგობის ცენტრის ინფორმაციით, ასევე მეზობელი ზაპორიჟიეს რეგიონის ოკუპირებული ნაწილის შიგნით და გარეთ გამგზავრება ძალიან რთულია მშვიდობიანი მოსახლეობისთვის და თითქმის შეუძლებელი 18-დან 35 წლამდე მამაკაცებისთვის.
ბოლო დღეებში, უკრაინის ოფიციალურმა პირებმა განაცხადეს, რომ ახალგაზრდების გამგზავრება რუსეთის მიერ ოკუპირებული ტერიტორიებიდან ქვეყნის მასშტაბით უკიდურესად რთული გახდა, მას შემდეგ, რაც კრემლმა გამოაცხადა ნაწილობრივი მობილიზაცია, რუსეთის უკრაინაში შემოჭრისთვის 300 000 ჯარისკაცის გასაწვევად.
უკრაინის მთავრობის წყაროების ცნობით, ჰუმანიტარული დერეფნები უკრაინის სამხრეთში – ხერსონის ჩათვლით – დაზარალდა და ზოგიერთ შემთხვევაში ფაქტობრივად დაიხურა.
ავტორი
