რუსეთმა ხერსონის სამედიცინო დაწესებულებაზე იერიში მიიტანა, რის შედეგადაც დაიღუპა ექიმი და დაიჭრა მედდა – ამის შესახებ ინფორმაცია ხერსონის სამხედრო ადმინისტრაციის ხელმძღვანელმა რომან მროჩკომ გაავრცელა.
„დღეს 11:10 საათზე მტერმა მორიგი თავდასხმა განახორციელა ჩვენი თემის მშვიდობიანი მოსახლეობის წინააღმდეგ!
ბომბი მოხვდა ერთ-ერთ სამედიცინო დაწესებულებაში, დაიღუპა ახალგაზრდა ექიმი, რომელიც იქ მხოლოდ რამდენიმე დღე მუშაობდა და დაშავდა მედდა”, – დაწერა მროჩკომ თავის ტელეგრამის არხზე.
მისივე ცნობით, დაჭრილია ექთანი, რომლის სიცოცხლის გადასარჩენად ექიმები ამ დრომდე იბრძვიან.
გუბერნატორმა ოლექსანდრ პროკუდინმა განაცხადა, რომ რუსეთის ძალებმა 31 ივლისს დაბომბეს ქალაქი ხერსონი და ხერსონის ოლქის სხვა ადგილები, რის შედეგადაც დაიღუპა ოთხი ადამიანი და დაშავდა 18, მათ შორის 16 წლის გოგონა.
ავტორი
