მსახიობი თენგიზ გიორგაძე ერთ სახალისო ისტორიას ხშირად იხსენებდა:
“ჩვენს თეატრში მსახიობებს იმპროვიზაციის უფლება არ გვქონდა და თუ სცენაზე რამე უკანონოს მოვიმოქმედებდით, დირექციის რისხვა არ აგვცდებოდა. მაგრამ ჩვენი არტისტები მაინც ცდილობდნენ ერთმანეთის “გაფუჭებას”, გაცინებას, მდგომარეობიდან გამოყვანას. ვინც სცენაზე მდგარა, იცის, რა მუღამი აქვს ამ გაჩალიჩებებს.
ამ საქმის გამორჩეული დიდოსტატები ბორია წიფურია და რამაზ ჩხიკვაძე იყვნენ.
ერთხელ, საბრალდებო დასკვნაზე ბორის წიფურიას გმირი ეკითხება ნაკაშიძეს (ანუ მოსამართლე ბრალდებულს):
– სახელი გერქმევა შენ, არ უნდა ამას ლაპარაკი.
– ზაზა მქვია.
– რა გვარი ხარ?
– ნაკაშიძე.
– მერი ნაკაშიძე რა არის შენი?
და აქ მოხდა ისეთი რამ, რაც არასოდეს მომხდარა. ყველა, ვინც სცენაზე იყო, კი არ იცინოდა, ღმუოდა. მაყურებელი ხომ ხარხარებდა და ხარხარებდა. ისეთი ამბავი ატყდა, რომ ტექრეჟისორმა ფარდა დააშვებინა. მაგრამ იცოდნენ, ბორიას გამოსწორებას მაინც ვერ მოახერხებდნენ და აპატიეს”.
