კიბოს სკრინინგის კამპანია ჩოხატაურში

ქალბატონებს კლინიკა „მედალფაში“ შესაძლებლობა ჰქონდათ, მთელი დღის განმავლობაში ესარგებლათ ძუძუს კიბოს, საშვილოსნოს ყელის კიბოსა და მსხვილი ნაწლავის კიბოს სკრინინგული კვლევებით. მათ სამედიცინო მომსახურებას ეროვნული სკრინინგცენტრის მაღალკვალიფიციური ექიმებისგან შემდგარი მობილური ჯგუფი უწევდა.

უფასო გამოკვლევები „ვარდისფერი ოქტომბრის“ ფარგლებში დაავადებათა კონტროლისა და საზოგადოებრივი ჯანმრთელობის ეროვნული ცენტრის, კიბოს სკრინინგის საკითხებზე მოსახლეობის საგანმანათლებლო და ცნობიერების ამაღლების ეროვნული კამპანიის ეგიდითა და საქართველოს ჯანმრთელობის ფედერაციის ორგანიზებით ჩატარდა.

სამედიცინო აქციის მხარდამჭერები იყვნენ მუნიციპალიტეტის მერია და არასამთავრობო ორგანიზაცია „ქალები ქალებისთვის“.