“კლინიკაში გადაყვანის შემდეგ გარდაიცვალა” – საპატრულო პოლიციის მანქანა არასრულწლოვანს დაეჯახა

ლისის გზაზე მოძრავი საპატრულო პოლიციის მანქანა არასრულწლოვანს დაეჯახა, მოზარდი საავადმყოფოში გადაყვანის შემდეგ გარდაიცვალა.

შემთხვევა თბილისში ღამით მოხდა.

საქართველოს პროკურატურამ ლისის გზაზე მომხდარი ავტოსაგზაო შემთხვევის ფაქტზე გამოძიება სისხლის სამართლის კოდექსის 276-ე მუხლის მე-6 ნაწილით დაიწყო, (ტრანსპორტის მოძრაობის უსაფრთხოების წესის დარღვევა, რამაც ადამიანის სიცოცხლის მოსპობა გამოიწვია.)

გამოძიებით დგინდება, რომ 2020 წლის 30 აგვისტოს, დაახლოებით 23:00 საათზე, ლისის გზაზე  მოძრავი საპატრულო პოლიციის ავტომანქანა, ქვეითად მოსიარულე 2008 წელს დაბადებულ მ.გ.-ს შეეჯახა, რომელიც ჟვანიას სახელობის პედიატრიულ კლინიკაში გადაყვანის შემდეგ გარდაიცვალა.

სისხლის სამართლის საქმეზე  ტარდება ყველა საჭირო საგამოძიებო და საპროცესო მოქმედებები.