“ქართული ოცნების” თავმჯდომარე, ირაკლი კობახიძე ამბობს, რომ ამერიკის ელჩისგან სინანულის, გულის ტკივილის გამოხატვას ელოდა და ფიქრობდა, რომ ის მოიკითხავდა საკონსულოში სავიზო პოლიტიკის საკითხს.
“ტექნიკური ვერ იქნება მიზეზი, რა თქმა უნდა. ყველას ძალიან კარგად გვესმის, რომ 3 თვეში როცა არის დაგეგმილი გასტროლები, ნებისმიერ საკონსულოს შეუძლია ვიზების მოგვარება, მაგალითად, ვიღაცების წაყვანა რომ უნდათ ხოლმე, სწრაფად, ორ დღეშიც კეთდება ვიზები, ეს მარტივი მოცემულობაა, ნებისმიერ საკონსულოში, მათ შორის, ამ კონკრეტულ საკონსულოშიც.
ველოდებოდი, რომ მოიკითხავდა საკონსულოში რატომ მოხდა, როგორ მოხდა, სინანული, გულის ტკივილი ამასთან დაკავშირებით, თუმცა ნუ არ ვიცი კონკრეტული ტელევიზიის მიმართ ბრალდებაც გაისმა ამის შესახებ. ტექნიკური ვერ იქნება რა თქმა უნდა მიზეზი, ყველას ძალიან კარგად ესმის, რომ სამ თვეში როცა არის დაგეგმილი გასტროლები ნებისმიერ საკონსულოს შეუძლია ვიზების მოგვარება, მაგალითად, ვიღაცების წაყვანა რომ უნდათ ხოლმე სწრაფად, ორ დღეშიც კეთდება ხოლმე ვიზები, მარტივი მოცემულობაა, ნებისმიერ საკონსულოში.
მე ველოდებოდი სინანულს, თუმცა აღმოჩნდა, რომ განსხვავებული რეაქცია იყო ამ შემთხვევაში, რაც ძალიან სამწუხაროა”, – განაცხადა ირაკლი კობახიძემ.
კობახიძის თქმით, იმედი აქვს, რომ ახალი ელჩი დაინტერესდება უფრო მეტად და საკონსულოს მხრიდან საქართველოს მოქალაქეების მიმართ დამოკიდებულება გაუმჯობესდება.
ირაკლი კობახიძემ აღნიშნა, რომ საკონსულოში საქართველოს მოქალაქეებს 37% უკმაყოფილებენ განაცხადებს, მეზობელი ქვეყნების მოქალაქეებს კი 63-88%-ით.
ავტორი
