„ქართული ოცნების“ თავმჯდომარე ირაკლი კობახიძე პარტიის ცენტრალურ ოფისში გამართულ ბრიფინგზე, პარლამენტთან განვითარებულ მოვლენებს გამოეხმაურა.
„გუშინ თბილისში განვითარდა მოვლენები, რომლებიც, დარწმუნებული ვართ, უსიამოვნო სანახავი იყო ჩვენი თანამოქალაქეების უდიდესი უმრავლესობისთვის. რადიკალურმა ოპოზიციამ და მისმა მედიასაშუალლებებმა საზოგადოების საკმაოდ დიდი ნაწილი დაარწმუნეს, რომ პარლამენტის მიერ მიღებული ამერიკული კანონი იყო რუსული, რამაც გუშინ ადამიანების გულწრფელი ვნებათაღელვა გამოიწვია. თუმცა, როგორც ყოველთვის, რადიკალურმა ოპოზიციამ სცადა, ეს გულწრფელი ვნებათაღელვა საკუთარი მიზნებისა და დავალებების აღსრულებისთვის გამოეყენებინა“, – განაცხადა კობახიძემ.
