ქალაქ ოზურგეთში თაყაიშვილის ქუჩაზე უკვე მესამე დღეა “კონსერვატიული მოძრაობის“ ოფისი გაიხსნა. აღნიშნულ ორგანიზაციას საოფისედ სახლი ციცო ხუჭუამ მიაქირავა. ციცო ხუჭუას ქმედება მისმა შვილიშვილმა ილია თაყაიშვილმა გააპროტესტა.
გუშინ მან “კონსერვატიული მოძრაობის“ ბანერი ჩამოხსნა და მის ადგილზე საქართველო-უკრაინის დროშა გადმოფინა. ეს დროშები კი რამდენიმე წამში ხუჭუამ მეორე სართულიდან გადმოაგდო.
დღეს გამართულ მორიგ აქციაზე სამოქალაქო აქტივისტებმა გაავრცელეს ინფორმაცია, რომ “კონსერვატიული მოძრაობის“ წევრებმა ილია თაყაიშვილის წინააღმდეგ პოლიციაში შეიტანეს განცხადება.
შინაგან საქმეთა სამინისტროს პრესსამსახურის ინფორმაციით, ამ საქმეზე მიმდინარეობს საგამოძიებო მოქმედები. მომხდარ ფაქტთან დაკავშირებით გამოძიება მიმდინარეობს სსკ-ს 187-ე მუხლით, რაც სხვისი ნივთის დაზიანებას ან განადგურებას გულისხმობს.
დღევანდელ აქციაზე ილია თაყაიშვილი არ გამოჩენილა. როგორც ჩვენთვის გახდა ცნობილი, იმ დროს ის დაკითხვაზე იმყოფებოდა.
“გურია ნიუსი“ შეეცადა აქციის დროს “კონსერვატიული მოძრაობის“ წევრები ჩაეწერა, მაგრამ მათ ეს არ ისურვეს.
ავტორი
