კორონავირუსის ექვსი განსხვავებული ტიპი გამოავლინეს

Cbsnews-ის ინფორმაციით, მკვლევარებმა კორონავირუსის ექვსი სხვადასხვა ტიპის იდენტიფიკაცია მოახდონეს.

COVID-19– ის ახალი კვლევა, სიმპტომების შემმოწმებელ აპიდან მიღებული მონაცემების საფუძველზე ჩატარდა და დაადგინა, რომ დაავადების ექვსი განსხვავებული „ტიპია“, რომლებიც მოიცავს სხვადასხვა სიმპტომებს.

მაუწყბელის ინფორმაციით, ლონდონის კინგსის კოლეჯის მკვლევარებმა შეისწავლეს დაახლოებით 1,600 ამერიკელი ადამიანის მონაცემები.

გავრცელებული ინფორმაციით კორონავირუსის ექვსი სხვადასხვა ტიპი ასე ხასიათდება:

გრიპის მსგავსი ვირუსი მაგრამ სიცხის გარეშე: თავის ტკივილი, ყნოსვის დაქვეითება, კუნთების ტკივილი, ხველა, ყელის ტკივილი, გულმკერდის ტკივილი.

გრიპის მსგავსი ვირუსი სიცხით: თავის ტკივილი, ყნოსვის დაქვეითება, ხველა, ყელის ტკივილი, გამწვავება, ცხელება, მადის დაქვეითება.

კუჭ–ნაწლავთან დაკავშირებული:   თავის ტკივილი, ყნოსვის დაქვეითება, მადის დაქვეითება, დიარეა, ყელის ტკივილი, გულმკერდის არეში, ხველა არ არის.

სერიოზული დონე პირველი, დაღლილობა: თავის ტკივილი, სუნის აღქმის დაქვეითება, ხველა, ცხელება,  გულმკერდის ტკივილი, დაღლილობა.

სერიოზული დონე მეორე, დაბნეულობა: თავის ტკივილი, ყნოსვის დაქვეითება, მადის დაქვეითება, ხველა, ცხელება, ხმის ჩახლეჩა, ყელის ტკივილი, გულმკერდის ტკივილი, დაღლილობა, დაბნეულობა, კუნთების ტკივილი.

სერიოზული დონე  მესამე, მუცლის ტკივილი და რესპირატორული პრობლემები: თავის ტკივილი, სუნის აღქმის დაქვეითება, მადის დაქვეითება, ხველა, ცხელება, ხმის ჩახლეჩა,  ყელის ტკივილი, გულმკერდის ტკივილი, დაღლილობა, დაბნეულობა, კუნთების ტკივილი, ქოშინი, დიარეა, მუცლის ტკივილი.

მკვლევარები განმარტავენ, რომ პირველი ტიპის შემთხვევაში  ინფიცირებულ პაციენტების   1.5%-ს შეიძლება სასუნთქი აპარატით დახმარება დასჭირდეს. მეორე შემთხვევაში ამის მაჩვენებელი  4.4%-ია, მესამე შემთხვევაში -3.3% .

მეოთხე ტიპის შემთხვევაში სასუნთქი აპარატით დახმარების საჭიროება 8.6%-მდე იზრდება.

მეხუთე ტიპის შემთხვეას თან დაბნეულობა ახლავს. ეს ნიშნავს, რომ თქვენ არ იცით სად ხართ ან სად ცხოვრობთ, ვინ არიან თქვენი ნათესავები. ამ მდგომარეობაში მყოფი პაციენტების თითქმის 10% -ს სუნთქვის მხარდაჭერა ჭირდება.

რაც შეეხება მე-6 დონეს, პაცინეტების დაახლოებით 20% -ს სჭირდება სუნთქვით დახმარება.