აშშ-ში ვეტერანთა საქმეთა დეპარტამენტის მკვლევარები ცდილობენ დაადგინონ პროსტატის კიბოს სამკურნალო წამლებს შეუძლია თუ არა კორონავირუსისგან გამოჯანმრთელებაში ხელშეწყობა.
როგორც militarytimes იუწყება, მკვლევარებმა განაცხადეს, რომ პრეპარატი degarelix ამის იმედს იძლევა და აღნიშნულ განცხადებას ისინი დაახლოებით 200 ინფიცირებულ ვეტერანზე წამლის დატესტვის საფუძველზე აკეთებენ.
როგორც ვეტერანთა სამსახურის მდივანი, რობერტ ვილკი ამბობს, ახალი კვლევა მნიშვნელოვანი ნაბიჯია.
„აქ ვართ იმისთვის, რომ გავაკეთოთ ყველაფერი სიცოცხლის გადასარჩენად და დასაცავად“,_ ამბობს ის.
Degarelix ხშირად გამოიყენება მამაკაცებში პროსტატის კიბოს სამკურნალოდ და ის ჰორმონალური თერაპიისთვის გამოიყენება.
კორონავირუსის მკურნალობაზე მომუშავე მკვლევარებმა დაადგინეს, რომ იმავე ჰორმონებმა შეიძლება გამოიწვიოს გარკვეული ცილების წარმოქმნა, რომელსაც COVID-19 იყენებს ფილტვის ქსოვილში შესასვლელად და ჯანმრთელობის სერიოზული პრობლემებს იწვევს.
კვლევა სავარაუდოდ 4 თვის განმავლობაში გაგრძელდება და მასში სხვადასხვა უნივერსიტეტების მკვლევარები ჩაერთვებიან.
კვლევა ორიენტირებულია მხოლოდ მამაკაცებზე. მკვლევარებმა თქვეს, რომ პრეპარატი სავარაუდოდ არ იქნება შესაფერისი ქალებისთვის, რადგან მას შეიძლება ჰქონდეს საპირისპირო ეფექტი.
