ქალთა საფეხბურთო კლუბმა ,,ლანჩხუთმა’’ ზედიზედ ორი გამარჯვება იზეიმა. ჯერ ლანჩხუთელი გოგონები სამეგრელოს ესტუმრნენ და ადგილობრივი გუნდი გაანადგურეს 8-0, ხოლო 29 აგვისტოს, ქსკ ,,მცხეთა’’_ არასაფეხბურთო ანგარიშით 16-0!
ამ მატჩში ლანჩხუთელთაგან, ყველაზე მეტი, 4 გოლი, ირინა ხაბურზანიამ გაიტანა, 3-3 ბურთი ნათელა წოწერიას და მარიამ რომანჩუკის ანგარიშზეა. ამ გამარჯვების მიუხედავად, „ლანჩხუთი“ სატურნირო ცხრილში, 10 ქულით, ჯერჯერობით, მესამე ადგილზეა. ჩემპიონატს კი, 12-12 ქულით, 4 ტურის შემდეგ, ქვეყნის სხვადასხვა დროის ჩემპიონატების გამარჯვებულები „ნიკე“ და „მართვე“ ლიდერობენ.
“ანგარიშიდან გამომდინარე თქვენც კარგად ხედვათ, რომ ყველა კომპონენტში დავჩაგრეთ მეტოქეები. წინა თამაშების შესახებ რა შემიძლია ვთქვა? აშკარა ხდება, რომ გუნდი უფრო ფორმაში შედის, ვასწორებთ შეცდომებს და უკეთ ვხედავთ ყველაფერს. 5 სექტემბერს ჩვენს მოედანზე ვეთამაშებით ერთ-ერთ კონკურენტს, თბილისის ,,ნორჩ დინამოს’’, რომელიც ძალიან კარგ ფორმაშია. ვფიქრობ, სანახაობრივი თამაში იქნება. გულშემატკივრებს მოვუწოდებ, მოვიდნენ თამაშზე და ისინი იხილავენ საინტერესო პაექრობას.
მინდა მადლობა გადავუხადო ჩვენს გულშემატკივრებს, რომლებიც თან დაგვყვებიან, მიუხედავად ამინდისა და სხვა გარემოებებისა’’, _ გვითხრა კლუბის ერტ-ერთმა წევრმა ია ალელიშვილმა.
