ქობულეთმა, სპორტული სკოლის ორგანიზებით, 28-დან 30 მარტის ჩათვლით უმასპინძლა სპორტის დამსახურებული პედაგოგის ვასილ გაროზაშვილის სახელობის რესპუბლიკურ ტურნირს თავისუფალ ჭიდაობაში.
ტურნირში 150-მდე ფალავანი მონაწილეობდა საქართველოს სხვადასხვა მუნიციპალიტეტიდან.
ტურნირზე ლანჩხუთის სპორტული ცენტრიც იყო წარმოდგენილი ხუთი მოჭიდავით, აქედან სამმა შეძლო საპრიზო ადგილების მოპოვება.
ჩვენებურთაგან 42 კგ. წონით კატეგორიაში ვერცხლის მედალი მოიპოვა ბეჟან ჯორბენაძემ.
65 კგ. წონითა კატეგორიაში პირველობა არავის დაუთმო ნიკა კალანდარიშვილმა, ხოლო 79 კგ-ში ჩემპიონი კახაბერ აფხაზავა გახდა.
ლანჩხუთის სპორტული ცენტრის ინფორმაციით, ლანჩხუთელთა გუნდი შეჯიბრებისთვის კახა აფხაზავამ, კახა გოგოლიშვილმა და დავით ხარატიშვილმა მოამზადა.
