რუსეთის საგარეო საქმეთა მინისტრი სერგეი ლავროვი რუსულმა მედიასთან ინტერვიუში განაცხადა, რომ მოლდოვა უკრაინის შემდეგ „ანტირუსული ცენტრი“ გახდება.
მანამდე მან არაერთხელ განაცხადა, რომ დასავლეთი ცდილობს მოლდოვა მეორე უკრაინად გადააქციოს, ძლიერი ანტირუსული განწყობების მქონე ქვეყნად.
ხუთშაბათს გაკეთებულ განცხადებაში მან თქვა, რომ მოლდოვის პრეზიდენტი მაია სანდუ ახორციელებს რუსეთის მიმართ ღიად მტრულ პოლიტიკას და მზადაა, როგორც ლავროვმა განაცხადა, გააკეთოს ყველაფერი დასავლეთის მოსაწონად.
მაგალითად, მისი თქმით, სანდუს სურს ნატოში გაწევრიანება და რუმინეთის მოქალაქეობის მქონე, მოლდოვას რუმინეთთან გაერთიანებაზე ოცნებობს.
ლავროვმა, ასევე შეაფასა პოსტსაბჭოთა სივრცის სხვა ქვეყნების პერსპექტივები „უკრაინის გზაზე“ გასვლის.
ცენტრალურ აზიაში, მისი თქმით, დასავლეთი “ცდილობს” თავისი გავლენის გამყარებას, მაგრამ ისინი არ პასუხობენ.
ხოლო საქართველო, ლავროვის აზრით, დაინტერესებულია რუსეთთან მეგობრობით.
აღნიშნულ განცხადებას მოლდოვის საგარეო საქმეთა და ევროპასთან ინტეგრაციის სამინისტრო (MFAEI) გამოეხმაურა და მუქარის რიტორიკას უწოდებს.
საგაერო საქმეთა სამინისტროს სპიკერმა, დანიელ ვოდამ თქვა, რომ მოლდოვას სწრაფვა ამ ალიანსებში გაწევრიანებისკენ არის ქვეყნის მოქალაქეების მიერ დამტკიცებული და მათი სურვილების შესაბამისი გზა.
“ჩვენ კატეგორიულად უარვყოფთ რუსული დიპლომატიის ხელმძღვანელის განცხადებებს, რომლებიც სიმართლეს არ შეესაბამება და რუსული დიპლომატიის უკვე კარგად ცნობილი მუქარის რიტორიკის ნაწილია.
ჩვენ მადლობელი ვიქნებით მსოფლიოს ყველა ქვეყნის, მათ შორის რუსეთის ფედერაციის, ჩვენი ხალხის გადაწყვეტილების პატივისცემისთვის. მოლდოვას რესპუბლიკამ აშკარად აირჩია თავისი მომავალი და ეს მომავალი თავისუფალი სამყაროს ნაწილია,” – განაცხადა ვოდამ.
ავტორი
