უკრაინა-რუსეთის მოლაპარაკებებში რუსეთის წარმომადგენლის, დუმის საერთაშორისო საქმეთა კომიტეტის თავმჯდომარის და ლიბერალ-დემოკრატიული ფრაქციის ხელმძღვანელის, ლეონიდ სლუცკის თქმით, რუსეთი შეისწავლის აზოვის პოლკის მებრძოლების, უკრაინის უსაფრთხოების სამსახურის მიერ დაკავებული პრორუს ოლიგარქის და პოლიტიკოსის ვიქტორ მედვედჩუკზე გაცვლის შესაძლებლობას. ინფორმაციას Интерфакс-ი ავრცელებს.
“ჩვენ შევისწავლით მედვედჩუკის აზოველებზე გაცვლის შესაძლებლობას. ჩვენ არ ვართ ლიბერალ-დემოკრატიული პარტია, არამედ მოსკოვის ხალხი, ვისაც აქვს ასეთი უფლებამოსილება”, – თქვა სლუცკიმ შაბათს და უპასუხა ინტერფაქსის შესაბამის კითხვას.
“ჩვენ შევისწავლით მედვედჩუკის აზოველებზე გაცვლის შესაძლებლობას. არა ჩვენ, ანუ ლიბერალ-დემოკრატიული პარტია, არამედ ადამიანები მოსკოვში, ვისაც ამის უფლებამოსილება აქვს”. _ უპასუხა სლუცკიმ დონეცკში გამართულ პრესკონფერენციაზე Интерфакс-ის შეკითხვას.
შეგახსენებთ, რომ უკრაინის უსაფრთხოების სამსახურმა მედვედჩუკი სპეცოპერაციის შედეგად 12 აპრილს დააკავა. ლვოვის სასამართლომ რუსეთის პრეზიდენტ ვლადიმირ პუტინთან დაახლოებულ პოლიტიკოსს გირაოს უფლების გარეშე პატიმრობა შეუფარდა. უკრაინის პრეზიდენტმა, ვოლოდიმირ ზელენსკიმ რუსეთს მედვედჩუკის უკრაინელ ტყვეებში გაცვლა შესთავაზა, რაზეც კრემლის სპიკერმა, დმიტრი პესკოვმა უპასუხა, რომ მედვედჩუკი რუსეთის მოქალაქე არ არის და “სპეცოპერაციასთან” კავშირი არ აქვს.
16 მაისის შემდეგ მარიუპოლში აზოვსტალის ქარხნიდან 1 700-ზე მეტი უკრაინელი სამხედრო, მათ შორის აზოვის პოლკის მებრძოლები, რუსული ძალების თანხლებით მათ მიერ კონტროლირებად ტერიტორიებზე გადაიყვანეს. უკრაინის თავდაცვის მინისტრის მოადგილემ თქვა, რომ უკრაინის მიერ კონტროლირებად ტერიტორიაზე დასაბრუნებლად მათ რუს ტყვეებში გაცვლიან.
რუსეთის თავდაცვის სამინისტრომ პარასკევს საღამოს ა მარიუპოლის აზოვსტალის ქარხნიდან უკრაინელი ჯარისკაცების ბოლო ჯგუფისგაყვანის ამსახველი ვიდეო კადრები გამოაქვეყნა.
ავტორი
